જન્મદિવસની શુભેચ્છા પાઠવી તો કિંગ ખાને પૂછ્યો સવાલ, સ્ટાર ક્રિકેટર રિંકુ સિંહ ગુંચવાઈ ગયો!

Shah Rukh Khan Asked Question to Rinku Singh:  શાહરુખ ખાને 2 નવેમ્બરના રોજ પોતાનો 60મો જન્મદિવસ ઉજવ્યો હતો. કિંગ ખાનને ચાહકોએ સોશિયલ મીડિયા પર જન્મદિવસની શુભેચ્છાઓ પાઠવી હતી. મંગળવારે કિંગ ખાને ચાહકોનો આભાર માન્યો. શાહરૂખને અભિનંદન આપનારાઓમાં ભારતીય ક્રિકેટ ટીમના સ્ટાર બેટ્સમેન રિંકુ સિંહ પણ સામેલ હતો. રિંકુએ પોતાના ઈન્સ્ટાગ્રામ પર લખ્યું હતું,  સૌથી શ્રેષ્ઠ. જન્મદિવસની શુભેચ્છાઓ સર. હવે રિંકુની આ પોસ્ટ પર શાહરુખ ખાને જવાબ આપ્યો, 'આભાર રિંકુ. ખૂબ પ્રેમ.' આ દરમિયાન કિંગ ખાને રિંકુને એક સવાલ પણ પૂછી લીધો કે, લગ્ન ક્યારે છે? તમને જણાવી દઈએ કે, રિંકુ સિંહે 8 જૂને સાંસદ પ્રિયા સરોજ સાથે સગાઈ કરી હતી. જોકે, કિંગ ખાનના આ સવાલથી રિંકુ સિંહ ગુંચવાઈ જાય છે. 

રિંકુ અને પ્રિયા સરોજની લવ સ્ટોરી

આ પહેલા ઓગસ્ટમાં એક ઈન્ટરવ્યુમાં રિંકુએ સમાજવાદી પાર્ટીના સાંસદ પ્રિયા સરોજ સાથેની મુલાકાત પાછળની સ્ટોરી જણાવી હતી. એક ઈન્ટરવ્યુમાં રિંકુએ કહ્યું હતું કે, આની શરૂઆત 2022માં કોરોનાના સમયગાળા દરમિયાન થઈ હતી, જ્યારે IPL મુંબઈમાં હતી.

Thank u Rinku. Lots of love… and shaadi kab hai? https://t.co/2vVclWdVP4

— Shah Rukh Khan (@iamsrk) November 4, 2025

રિંકુએ આગળ જણાવ્યું હતું કે, મારી પાસે એક ફેન પેજ હતું જેના પર પ્રિયાની તેના ગામમાં મતદાન માટે એક ફોટો પોસ્ટ કર્યો હતો. પ્રિયાની બહેન ફોટા અને વીડિયો શૂટ કરે છે, તેથી મને લાગે છે કે તેણે મદદ માટે ફેન પેજને ફોટો પોસ્ટ કરવા કહ્યું હતું. મેં ફોટો જોયો અને મને તે પસંદ આવી ગઈ. મને લાગ્યું કે તે મારા માટે યોગ્ય છે. મેં તેને મેસેજ કરવાનું વિચાર્યું પણ પછી મને લાગ્યું કે આવું કરવું યોગ્ય નથી. 

રિંકુએ ખુલાસો કર્યો કે, ઈન્સ્ટાગ્રામ પર તેની કેટલીક તસવીરો પસંદ આવ્યા બાદ જ મેં પ્રિયાને મેસેજ કર્યો હતો. તેને મારી કેટલીક તસવીરો પસંદ આવી. પછી મેં તેને ઈન્સ્ટાગ્રામ પર મેસેજ કર્યો અને આ રીતે બધું શરૂ થયું. પછી અમે વાત કરવાનું શરૂ કર્યું. એક કે બે અઠવાડિયામાં અમે રેગ્યુલર વાત કરવા લાગ્યા, મેચ પહેલા વાત કરવા લાગ્યા.

તમને જણાવી દઈએ કે, રિંકુ સિંહ હાલમાં ટીમ ઈન્ડિયા સાથે ઓસ્ટ્રેલિયાના પ્રવાસે છે. પાંચ મેચની T20 ઈન્ટરનેશનલ મેચોની સીરિઝ માટે તેને હજુ સુધી પ્લેઈંગ ઈલેવનમાં સ્થાન નથી મળ્યું. રિંકુએ ભારત માટે છેલ્લી T20 ઈન્ટરનેશનલ મેચ એશિયા કપ ફાઈનલમાં પાકિસ્તાન સામે રમી હતી.