કેપ્ટન બનવા K L રાહુલનો ઇન્કાર, ગુજરાતી ખેલાડીને કમાન સોંપશે દિલ્હી કેપિટલ્સ?

Image: Facebook

IPL 2025: ચેમ્પિયન્સ ટ્રોફીથી પરત ફરતાં જ કેએલ રાહુલે કૅપ્ટનશિપને લઈને એક મોટો નિર્ણય લીધો છે. રાહુલનો આ નિર્ણય IPL કૅપ્ટનશિપ સાથે જોડાયેલો છે. રિપોર્ટ્સ અનુસાર રાહુલે IPL 2025માં દિલ્હી કેપિટલ્સ માટે કૅપ્ટનશિપ કરવાની ઓફર ઠુકરાવી દીધી છે. દિલ્હી કેપિટલ્સ ફ્રેંચાઇઝીએ રાહુલની સામે કૅપ્ટનશિપ કરવાનો પ્રસ્તાવ મૂક્યો હતો, જેનો તેણે ઇન્કાર કરી દીધો. 

કેએલ રાહુલનો ઇન્કાર, શું અક્ષર બનશે કૅપ્ટન?

રિપોર્ટ અનુસાર કેએલ રાહુલે કૅપ્ટનશિપનો પ્રત્સાવ ઠુકરાવતાં કહ્યું કે 'હું ખેલાડી તરીકે ટીમ માટે પોતાનું યોગદાન આપવા ઇચ્છું છું. કેએલ રાહુલનો કૅપ્ટનશિપથી ઇન્કાર કર્યા બાદ હવે એવી અટકળો લગાવાઈ રહી છે કે અક્ષર પટેલ દિલ્હી ફ્રેંચાઇઝીની કમાન સંભાળી શકે છે કેમ કે કૅપ્ટનશિપને લઈને ચર્ચા આ બંને નામોની વચ્ચે હતી. 

આ પણ વાંચો: ઋષભ પંતની બહેનના લગ્ન: રોહિત, વિરાટ અને ધોની મહેમાન બને તેવી શક્યતા

દિલ્હી સાથે રાહુલ જોડાતાં જ કૅપ્ટન બનવાની અટકળો લાગી હતી

દિલ્હી કેપિટલ્સે કેએલ રાહુલને IPL 2025ના મેગા ઓક્શનમાં 14 કરોડ રૂપિયાની બોલી લગાવીને ખરીદ્યો હતો. રાહુલની પાસે IPLમાં પહેલા કૅપ્ટનશિપ કરવાનો અનુભવ રહ્યો છે. 2020-21માં તે પંજાબ કિંગ્સ અને 2022થી 2024 સુધી તે લખનૌ સુપર જાયન્ટ્સનો કૅપ્ટન રહ્યો હતો. દરમિયાન જ્યારે તે દિલ્હીથી જોડાયો તો કૅપ્ટનશિપની રેસમાં તેનું નામ સૌથી આગળ ચાલ્યું. 

ખેલાડી તરીકે બની શકે છે દિલ્હીનો ટ્રમ્પ કાર્ડ

રિપોર્ટમાં દાવો કરવામાં આવી રહ્યો છે કે તે માત્ર ખેલાડી તરીકે જ રમવા ઇચ્છે છે, રાહુલનો આ નિર્ણય દિલ્હી માટે કામ કરી શકે છે. IPLમાં રાહુલ સૌથી કન્સિસ્ટન્ટ પર્ફોમન્સ કરનાર ખેલાડીઓમાંથી એક રહ્યો છે. તેણે 2018થી 2024 સુધી રમેલી IPLની 7 સીઝનમાંથી 6માં 500 કે તેનાથી વધુ રન બનાવ્યા છે.

રાહુલ કૅપ્ટન નહીં હોય તો અક્ષરનું કૅપ્ટન બનવાનું નક્કી લાગી રહ્યું છે પરંતુ સમસ્યા એ છે કે તેની પાસે IPLમાં રાહુલના જેમ કૅપ્ટનશિપનો વધુ અનુભવ રહ્યો નથી. એક ખેલાડી તરીકે બોલ અને બેટથી તેણે પોતાને ઘણી વખત સાબિત કર્યો છે પરંતુ કૅપ્ટન તરીકે હજુ તેણે પોતાને સાબિત કરવું પડશે.