IND vs ENG: પગના મોજાના કારણે શુભમન ગિલ વિરુદ્ધ થશે કાર્યવાહી! મેચમાં કરી મોટી ભૂલ

ENG vs IND 1st Test Match: ભારતીય ટીમે ઈંગ્લેન્ડ સામેની પાંચ ટેસ્ટ મેચની સીરિઝની પહેલી મેચમાં શાનદાર શરૂઆત કરી છે. મેચના પહેલા દિવસે કેપ્ટન શુભમન ગિલ અને યશસ્વી જયસ્વાલે શાનદાર સદી ફટકારી અને ટીમનો સ્કોર 300થી વધુ કરી દીધો હતો. આ દરમિયાન કેપ્ટન શુભમન ગિલ સદી ફટકારવા છતાં મોટી મુશ્કેલીમાં મુકાઈ ગયો હોય તેવું લાગે છે. આંતરરાષ્ટ્રીય ક્રિકેટ પરિષદ (ICC) તેની સામે મોટી કાર્યવાહી કરી શકે છે, કારણ કે શુભમન ગિલે ICCનો એક નિયમ તોડ્યો છે. આ માટે તેને ભારે દંડ થઈ શકે છે.

શુભમન ગિલે આઈસીસીનો કયો નિયમ તોડ્યો?

ભારતીય ટીમના નવા કેપ્ટન શુભમન ગિલે હેડિંગ્લી ટેસ્ટ દરમિયાન શાનદાર સદી ફટકારીને પોતાની કેપ્ટનશીપની શાનદાર શરૂઆત કરી હતી, પરંતુ આ સમય દરમિયાન તેણે એક મોટી ભૂલ કરી. જ્યારે તે બેટિંગ કરવા આવ્યો ત્યારે તેણે સફેદ મોજાને બદલે કાળા મોજાં પહેર્યા હતા, જ્યારે ટેસ્ટ મેચોમાં સફેદ મોજાં પહેરવાનો નિયમ છે. આ નિયમ મેરીલેબોન ક્રિકેટ ક્લબ (MCC)ની ભલામણ પર લાગુ કરવામાં આવ્યો છે, જે ક્રિકેટના નિયમો નક્કી કરે છે. હવે શુભમન ગિલને ડ્રેસ કોડના નિયમોનું ઉલ્લંઘન કરવા બદલ ICCના રોષનો સામનો કરવો પડી શકે છે. 

આ પણ વાંચો: નીરજ ચોપરાની વધુ એક સિદ્ધિ, પેરિસ ડાયમંડ લીગ જીતી, જૂલિયન વેબરથી લીધો બદલો

કાળા મોજા પહેરવા અંગે નિયમ શું છે? 

કપડાં અંગે આઈસીસી નિયમ 19.45 જણાવે છે કે ખેલાડીએ ટેસ્ટ મેચ દરમિયાન સફેદ ડ્રેસ, ક્રીમ અથવા આછા ભૂરા રંગના મોજા પહેરવા જોઈએ, પરંતુ શુભમન ગિલે કાળા મોજા પહેર્યા હતા, જે આઈસીસી નિયમોનું ઉલ્લંઘન છે. આ નિયમ મે 2023માં લાગુ કરવામાં આવ્યો હતો.

શું શુભમન ગિલ પર દંડ થશે? 

શુભમન ગિલ પર દંડ લાદવાનો નિર્ણય મેચ રેફરી લેશે. જો હેડિંગ્લી ટેસ્ટ મેચ રેફરી રિચી રિચાર્ડસન આ બાબતની નોંધ લે અને તેણે ઇરાદાપૂર્વક આવું કર્યું છે તો શુભમન ગિલને લગભગ 10થી 20 ટકા દંડ ભરવો પડી શકે છે. જો કે, જો શુભમન ગિલનો નિર્ણય આકસ્મિક હતો અથવા તેણે તેના સફેદ મોજા ભીના હોવાને કારણે આવું કર્યું હોય, તો તે દંડથી બચી શકે છે, પરંતુ તે મેચ રેફરી પર આધાર રાખે છે.