Image Source: Freepik
- હાલમાં પેટ્રોલ અને ગેસ બાદ વીજળીના ભાવ પણ સતત વધી રહ્યા છે
નવી દિલ્હી, તા. 10 જૂન 2023, શનિવાર
મોંઘવારી લોકોની કમર તોડી રહી છે. પેટ્રોલ અને ગેસ બાદ વીજળીના ભાવ પણ સતત વધી રહ્યા છે. વીજળીનું બિલ ઓછું કરવા માટે લોકો ઘરમાં પ્રકાશ માટે LED બલ્બ અને LED ટ્યુબલાઈટ નો ઉપયોગ કરે છે. પરંતુ ઘણા લોકો એ નથી જાણતા કે LED બલ્બ અને LED ટ્યુબલાઈટ શેમાં વધુ વીજળી વપરાય છે.
LED બલ્બ અને LED ટ્યુબલાઈટમાં પણ આ જ ટેક્નોલોજીનો ઉપયોગ થાય છે. પરંતુ બંનેની પાવર અને પ્રકાશ લેવાની ક્ષમતા અલગ છે. દરેક જણ આ વિશે જાગૃત નથી. આ કારણથી લોકો ઘરમાં વધુ વીજળી વાપરે છે અને તેના કારણે વીજળીનું બિલ વધુ આવે છે.
LED બલ્બ 2 વોટથી શરૂ કરીને 40 વોટ સુધીના હોય છે. અને LED ટ્યુબલાઈટ 9 વોટથી શરૂ થાય છે. તેથી તમે તમારા રૂમની જરૂરિયાત મુજબ ખરીદી શકો છો. તેથી તમે તમારી જરૂરિયાત મુજબ બલ્બ અને ટ્યુબલાઈટ વચ્ચે પસંદગી કરી શકો છો.
LED બલ્બ અને LED ટ્યુબલાઈટમાં જેની વોટ કેપિસિટી વધુ હોય છે તે મુજબ તે વીજળીનો વપરાશ પણ કરે છે. પરંતુ અહીં એ જાણવું જરૂરી છે કે, LED બલ્બ અને LED ટ્યુબ લાઈટમાં ટ્યુબલાઈટ વધુ પ્રકાશ આપે છે. કારણ કે તેમાં ઘણા નાના LED બલ્બ આપવામાં આવ્યા છે.
જ્યારે LED બલ્બમાં બે થી પાંચ LED બલ્બ આપવામાં આવે છે. એટલા માટે તે LED ટ્યુબલાઈટના મુકાબલે ઓછો પ્રકાશ આપે છે. આવી સ્થિતિમાં તમે તમારી જરૂરત પ્રમાણે LED બલ્બ અને LED ટ્યુબલાઈટમાંથી કોઈ એકને પસંદ કરી શકો છો.
