એપલ કંપનીએ તેની ઓપરેટિંગ સિસ્ટમ આઇઓએસનું નવું વર્ઝન આઇઓએસ ૧૬છેવટે લોન્ચ કરી દીધું છે. આમ તો આ નવું વર્ઝન ઇન્સ્ટોલ કરી શકાય તેવા આઇફોનનું લિસ્ટ બહુ લાંબું છે, સાદી વાત એટલી કે તમારી પાસે આઇફોન૮ કે ત્યાર પછીનો આઇફોન હોય તો તમે તેમાં આ વર્ઝનનો લાભ લઈ શકો છો. એ માટે ફોનના સેટિંગ્સમાં જનરલ પર ટેપ કરો અને તેમાં ‘સોફ્ટવેર અપડેટ’ પર ક્લિક કરો. એ સમયે ફોનમાં પૂરતી બેટરી હોવાની ખાતરી કરી લેશો. આઇઓએસના નવા વર્ઝનમાં તેના લોકસ્ક્રીનને ખાસ્સો બદલી નાખવામાં આવ્યો છે. સિક્યોરિટી માટે પણ વર્ઝન અપડેટ કરી લેવું સારું!