VIDEO : ઇલોન મસ્કની સ્ટારશિપનું લોન્ચિંગ સફળ રહ્યું પણ પૃથ્વી પર પાછા ફરતાં જ નષ્ટ થયું

Elon Musk Company Spacex Launched: વિશ્વના સૌથી ધનિક વ્યક્તિ ઇલોન મસ્કની કંપની સ્પેસએક્સે વિશ્વનું સૌથી શક્તિશાળી રોકેટ સ્ટારશિપ બનાવ્યું, જેનું 9મું પરીક્ષણ 28 મેના રોજ ભારતીય સમય મુજબ સવારે 5 વાગ્યે ટેક્સાસના બોકા ચિકાથી કરવામાં આવ્યું હતું. જોકે, આ પરીક્ષણ નિષ્ફળ રહ્યું હતું. 

સ્ટારશિપ લોન્ચ થયાના લગભગ 30 મિનિટ પછી, રોકેટે કંટ્રોલ ગુમાવ્યો અને તેના કારણે પૃથ્વીના વાતાવરણમાં પ્રવેશતા જ તે નષ્ટ થયું. આ ત્રીજી વખત છે જ્યારે સ્ટારશિપ રોકેટ આકાશમાં નાશ પામ્યું. સ્ટારશિપ હિન્દ મહાસાગરમાં ઉતારવાની તૈયારી હતી. 

As if the flight test was not exciting enough, Starship experienced a rapid unscheduled disassembly. Teams will continue to review data and work toward our next flight test.

With a test like this, success comes from what we learn, and today’s test will help us improve Starship’s…

— SpaceX (@SpaceX) May 28, 2025

અમે તપાસ કરીશું કે શું ખોટું થયું: સ્પેસએક્સ ટીમ

સ્ટારશિપ લોન્ચ બાબતે સ્પેસએક્સે જણાવ્યું કે, 'આ વખતે ઘણું સારું પ્રદર્શન રહ્યું પરંતુ આ વખતે પણ કેટલીક સમસ્યાઓ આવી હતી, જેના કારણે ઘણી ટેકનિકલ ખામી સામે આવી, અમે તપાસ કરીશું કે શું ખોટું થયું. તેમ છતાં, એકંદર પરિણામો સારા રહેશે કારણ કે અગાઉના બે પરીક્ષણો ટેકઓફ પછી 10 મિનિટથી ઓછા સમયમાં નિષ્ફળ ગયા હતા.

રોકેટની વિશેષતા શું હતી?

- સ્પેસએક્સના આ મિશનને 'સ્ટારશિપ ફ્લાઇટ 9' નામ આપવામાં આવ્યું હતું.

- સુપર હેવી બૂસ્ટર અને તેમાં 35 શિપનો ઉપયોગ કરવામાં આવ્યો હતો.

- સુપર હેવી બૂસ્ટર અગાઉ મિશન ફ્લાઇટ 7 માં પણ ઉડાન ભરી ચૂક્યું છે.

Hotstaging and sporty flip! :)

COME ON SHIP 35! pic.twitter.com/Tv1XcjSJfv

— NSF - NASASpaceflight.com (@NASASpaceflight) May 27, 2025

- આ રોકેટમાં 33 રેપ્ટર એન્જિન છે, જેમાંથી 29 એન્જિન આ ઉડાનમાં સફળતાપૂર્વક શરૂ કરવામાં આવ્યા હતા.

- સ્ટારશિપે 'હોટ-સ્ટેજિંગ' નામની એક મહત્ત્વપૂર્ણ પ્રક્રિયા પણ સફળતાપૂર્વક પૂર્ણ કરી.

- આ મિશનને યુએસ એફએએ (ફેડરલ એવિએશન એડમિનિસ્ટ્રેશન) તરફથી ઉડાન ભરવાની પરવાનગી મળી હતી.

- FAAએ ફ્લાઇટ પાથ પર એરક્રાફ્ટ હેઝાર્ડ એરિયા એટલે કે ખતરનાક એરસ્પેસની મર્યાદા 1600 નોટિકલ માઇલ સુધી વધારી દીધી હતી, જેથી કોઈ અકસ્માત ન થાય.

ઈલોન મસ્કનું સ્વપ્ન

સ્પેસએક્સના સ્થાપક ઈલોન મસ્ક આ સ્ટારશિપને એક બહુહેતુક રોકેટ બનાવવા માંગે છે જે મનુષ્યો અને માલસામાનને ચંદ્ર, મંગળ અને તેનાથી આગળ લઈ જઈ શકે. આ ઉડાનને સ્પેસએક્સની મોટી યોજના તરફનું બીજું એક નિશ્ચિત પગલું માનવામાં આવે છે, જેમાં દરેક ઉડાનમાંથી ડેટા એકત્રિત કરીને આગામી ઉડાનને વધુ સારી બનાવી શકાય.