મહુવાના વેપારી હૈદરાબાદ પોલીસને એક લાખનું ઈનામ આપશે
- એન્કાઉન્ટરમાં બળાત્કારીઓને ઠાર કરવાની કામગીરી માટે વેપારીએ ઈનામની જાહેરાત કરી
Updated: Dec 6th, 2019
GS TEAM
ભાવનગર, 06 ડિસેમ્બર 2019, શુક્રવાર
હૈદ્રાબાદમાં મહિલા ડોક્ટરનો રેપ કરીને જીવતી સળગાવનારા ચાર હેવાનોનુ હૈદરાબાદ પોલીસે એન્કાઉન્ટર કર્યું છે. હૈદરાબાદ પોલીસની આ કામગીરીથી ખુશ થઈ મહુવાના એક વેપારીએ હૈદરાબાદ પોલીસને એક લાખનું ઈનામ આપવાની જાહેરાત કરી છે. મહુવાના રાજભા ગોહીલ નામના વેપારીએ હૈદરાબાદ પોલીસને એક લાખનું ઈનામ જાહેર કર્યું છે.
આ રકમ સમગ્ર ગુજરાત જન તરફથી હૈદરાબાદ પોલીસને સોંપવામાં આવશે. આ રકમ હૈદરાબાદ પોલીસ વેલફેરને આપવામાં આવશે. પોલીસની સફળતા અને પોલીસની કામગીરીને વધાવવા માટે આ રકમ આપવામાં આવશે. વેપારીનું કહેવું છે કે, પોલીસે આ કામગીરી કરી દેશની બહેનો દિકરીઓને સમ્માન આપ્યું છે. મને મારા દેશની પોલીસ પર ગર્વ છે અને તેઓ હૈદરાબાદ જઈને આ રકમ આપશે.
