પતિ સહિત ૩ દ્વારા પત્ની, સસરા, સાળા, સાળાવેલી ઉપર હુમલો

જામનગરના વાંઝાવાસ વિસ્તારમાં

પતિ, સાસરિયા વારંવાર પૈસાની માગણી કરી મારકૂટ કરતા હોવાથી પરિણીતાએ ફરિયાદ નોંધાવતાં હુમલો

જામનગરમાં ગુલાબનગર વાંઝાવાસ વિસ્તારમાં રહેતી ફરજાનાબેન અનવરભાઈ સિપાઈ નામની ૨૯ વર્ષની પરણીતાએ પોતાના ઉપર હુમલો કરી ઇજા પહોંચાડવા અંગે ઉપરાંત પોતાના પિતા, ભાઈ અને ભાભી વગેરે પર હુમલો કરી ઇજા  પહોચાડવા અંગે પોતાના પતિ અનવર ઇસ્માઈલ સિપાઈ, ઉપરાંત તેના ભાઈઓ અબાસ ઈસ્માઈલ સિપાઈ અને મહેબુબ ઇસ્માઈલ સિપાઈ સામે ફરિયાદ નોંધાવી છે.

પોલીસ ફરિયાદમાં જાહેર કરાયા અનુસાર ફરિયાદી મહિલાને તેણીનો પતિ મનદુઃખ રાખીને માવતરેથી પૈસા લઈ આવવાનું દબાણ કરતો હતો અને લાકડી વડે માર મારતો હોવાથી પોલીસ સ્ટેશનમાં જઈને ફરિયાદ કરી હતી. તે વાતનું  મનદુઃખ રાખીને આરોપી પતિ અને તેના ભાઈ ઉશ્કેરાઈ ગયા હતા અને લાકડી - ધોકા અને ધારીયા જેવા હથીયાર સાથે ધસી આવ્યા હતા, અને તેણીના પિતા પર હુમલો કરી દેતાં તેઓને માથું ફાટી ગયું હોવાથી ટાંકા લેવા પડયા છે.

 આ ઉપરાંત તેઓને છોડાવવા માટે વચ્ચે પડેલા તેના ભાભી ફરીનીબેન તેમજ તેનો ભાઈ મોસીન પણ છોડાવવા માટે હુમલો કરી દીધો હતો. જેથી મામલો ફરીથી સીટી બી. ડિવિઝન પોલીસ મથકમાં લઈ જવાયા હતા. પોલીસે ફરજાનાબેનની ફરિયાદના આધારે તેણીના પતિ અનવર સિપાઈ ઉપરાંત તેના ભાઈઓ સામે  ગુન્હો નોંધ્યો છે અને વધુ તપાસ હાથ ધરી છે.