કાકા સાથે જઈ રહેલા ૬ વર્ષીય ભત્રીજાનું ટ્રેકટરમાંથી પડી જતા મોત

ખાંભા તાલુકાના ખડાધાર ગામે

ટ્રેકટર પાછળ જોડેલા રોટાવેટરમાં અથડાતા જીવ ગયો

ખડાધાર ગામે નેરા કાંઠે આવેલ વિજયસિંહ કનકસિંહ રાઠોડના ખેતરમાં ભરતભાઈ ભુપતભાઇ ડોડીયા અને તેમાં પત્ની તેમના બાળકો સાથે લાકડા કાપવાનું કામ કરી રહ્યા હતા. અને ભરતભાઈનો ભાઈ વિજય ડોડીયા પણ અહીં ટ્રેકટર અને રોટાવેટર ખેતરમાં ચલાવી રહ્યો હતો. આ દરમિયાન ભરતભાઇના દીકરા ધામક(ઉ.વ.૬) એ કાકા સાથે ટ્રેકટરમાં બેસવાનું વેન પકડયું હતું. ત્યાર બાદ ધામકને તેના કાકા સાથે ર્ટ્કેટરમાં ડ્રાઇવરની બાજુની સીટમાં બેસેલો હતો. તે દરમિયાન અચાનક જ તે ટ્રેકટરમાંથી પડી જવાને કારણે તે ટ્રેકટર પાછળ જોડેલા રોટાવેટરમાં ભટકાઈ જવાને કારણે તેને શરીર અને માથાના ભાગે ઈજાઓ થઇ હતી.આ ગંભીર ઇજાઓને કારણે  સારવાર માટે ખાંભા હોસ્પિટલ ખાતે ખસેડવામાં આવ્યો હતો.જોકે ત્યાં તેનું કમકમાટી ભર્યું મોત નીપજ્યું હતું. બનાવ અંગે ખાંભા પોલીસ મથક ખાતે જાણ કરવામાં આવતા પોલીસે આગળની કાર્યવાહી શરુ કરી હતી.