અજમાવી જૂઓ - મીનાક્ષી તિવારી

-  ઢોસા કરકરા તથા સોનેરી  બનાવવા ઢોસાના મિશ્રણમાં એક લીંબુનો રસ અને ત્રણ-ચાર ચમચા ચણાનો લોટ નાખવો.

-  લાલ ચંદનમાં ખીરાનો રસ ભેળવી ખીલ પર લગાડી અડધો કલાક બાદ ધોઇ નાખવાથી ફાયદો થાય છે. 

-  કોણીની કાળાશ દૂર કરવા લીંબુ, ટામેટાનો રસ તથા સાકર ભેળવી મિશ્રણ બનાવી કોણી પર ઘસવું.

-  બે પાકા કેળા, સફરજન, બદામ, કાજુ અને મગફળી નિયમિત ખાવાથી કૃષ કાયા પર ચરબી જામશે તેમજ શરીર ભરેલું થશે.

-  દિવાલ પરના પેન-પેન્સિલના નિશાન ભૂંસવા દૂધમાં ભીંજવેલ કપડાથી લૂછવું.

-  જીભ દાઝી જાય તો તરત જ જીભ પર ચપટી સાકર મૂકો રાહત થશે.

-  તૈલીય ત્વચા હોય તો ચહેરા પર કોઇક કોઇક વખત છાશ લગાડવી ચહેરા પરનું વધારાનું તેલ શોષાઇ જશે.

-  ચોમાસાની ઋતુમાં કોઇ પણ સ્વરૂપે ફૂદીનો ખાવાથી ડાયેરિયા તેમજ પેટની સામાન્ય તકલીફમાં ફાયદો થાય છે.

-  એક ચમચો ચોખાના લોટમાં બે ચમચા દહીં ભેળવી ચહેરા અને ગરદન પર લગાડવું. આ મિશ્રણ ઉત્તમ ઘરગથ્થુ કિલનજિંગ મિલ્કનું કામ કરશે.

-  કોઇ પણ વસ્તુ તળતી વખતે તેલમાં ઊભરો આવે તો આમલી નાખવી.

-  બાળકના દૂધની શીશી ધોવા માટે બાટલીમાં ઠંડુ પાણી તથા બે ચપટી સોડા નાખી ખૂબ હલાવવું.

-  સેક્સ શક્તિ વધારવા નિયમિત ૧૦૦ ગ્રામ ખારેક ખાવી.

-  નાના બાળકને તાવને કારણે પરસેવો વળે તથા હાથ-પગ ઠંડા લાગે તો સૂંઠના ચૂરણને શરીરે હળવે હાથે લગાડવાથી સારું લાગશે.

-  મોસંબીનો રસ પીવાથી નબળાઇ દૂર થાય છે.

-  હાથ પર ટમેટાનો ગર હળવે હાથે રગડવાથી ત્વચા મુલાયમ થાય છે.

-  સફેદ કાંદાના રસમાં સાકર નાખીને પીવાથી એસીડીટીમાં રાહત થાય છે.

-  તુલસીના પાન સાથે મરી ચાવવાથી ચક્કર આવતા બંધ થાય છે.

-  દ્રાક્ષ અને ધાણાને ઠંડા પાણીમાં પલાળી પીવાથી આધાશીશી મટે છે.

- મીનાક્ષી તિવારી