અજમાવી જૂઓ .

- આદુની છાલને ધોઈને સૂકવી નાખવી અને ચાની પત્તીના ડબ્બામાં ભેળવી દેવી. ચા સ્વાદિષ્ટ બનશે.

- મીઠાઈની ચાસણી બનાવતી વખતે એમાં થોડું માખણ ભેળવવાથી ચાસણી સારી થશે.

- કારેલાંની છાલને સૂકવી અનાજ તથા લોટના ડબ્બામાં રાખવાથી ધનેડાં નહીં પડે.

- એશટ્રેમાં એક ચમચી બેકિંગ પાવડર નાખી રાખવાથી સિગારેટની ગંધ નહીં આવે.

- ફલાવરના શાકને બાફતી વખતે પાણીમાં અડધો કપ દૂધ નાખી દો. ફલાવરનો  મૂળ સફેદ રંગ જળવાઈ રહેશે.

- હેડકીથી છૂટકારો પામવા થોડા ટીપા વિનેગારના પીવા.

- ચામડાની વસ્તુ પર લાગેલી ફૂંગસ દૂર કરવા સોડા બાઈકાર્બમાં થોડું દૂધ ભેળવી ચામડું સાફ કરવું અને ત્યારબાદ લવેન્ડર તેલથી લૂછવું.

- જીવજંતુના ડંખ પર બે ચમચા ઓલીવ ઓઈલમાં એક ઈંડાની સફેદી ભેળવી લગાડવાથી રાહત થશે અને સોજો નહીં આવે.

- કાનની બૂટનું કાણું પૂરાઈ જવાથી બૂટ્ટી ન પહેરી શકાતી હોય તો બરફના ચોસલા થોડી સેકન્ડ ત્યાં રાખવાથી કાણું ખુલી જશે.

- સોનાનું પાણી ચડાવેલા ઘરેણાંને કોળાના જ્યુસથી સાફ કરવાથી નવા જેવાં થઈ જશે.

- કપડાં પરથી તેલના ડાઘા દૂર કરવા તે સ્થાન પર થોડો ટેલકમ પાવડર છાંટી બ્રશ ફેરવો.

- માઈગ્રેનનો દુખાવો હોય તો શુધ્ધ ઘીને વિપરીત બાજુ લગાડવાથી રાહત થશે.

- માસિક ધર્મના દુખાવામાંથી છૂટકારો પામવા નિયમિત એક ચમચી આમળાનો મુરબ્બો ખાવો.

- પેશાબ છૂટથી આવતો ન હોય કે અટકી જાય કે ખંજવાળ આવતી હોય તો એક મોટો ગ્લાસ પાણીમાં એલચીનો ભૂક્કો નાંખી પી જવું.

- નાના બાળકને પેટમાં ગેસનો ભરાવો થઈ જવાથી પેટ સખત થઈ ગયું હોય તો એક બે ટીપાં પાણીમાં હિંગ ભેળવી ડૂંટી પર લગાડવાથી રાહત થશે.

- સાડી પર 'વાઈન' પડી જાય તો ગભરાશો નહીં સ્વચ્છ રૂમાલને સોડામાં બોળી 'વાઈન' લૂછી નાખો.

- મિનાક્ષી તિવારી