= છાપામાં ક્યાંક વાંચ્યું 'રાજીખુશીથી છુટાછેડા' આમાં રાજી કોણ અને ખુશી કોણ ?
- હીરાચંદ આર. નાગડા, મુંબઈ
- ખુશી સાથે છૂટાછેડા, રાજી થનાર ગુજ્જેશ.
= જાગ્યા ત્યારથી સવાર અને ઊંઘ્યા ત્યારથી ?
- માયા ધવલ સોની, ગોધરા
- નસકોરાં.
= ગબ્બર સાંભાને બદલે તમને પૂછે કે દિવાળી ક્યારે છે, તો શું જવાબ આપશો ?
- રસેશ એન. શ્રોફ, મુંબઈ
- જવાબ ક્યાં આપવાનો છે ? હેમા નાચવાનું શરૂ કરે એની રાહ જોવાની છે.
= દિવાળી અને નવા વર્ષની વચ્ચે ધોકો શા માટે આવે છે ?
- શિવમ્ યાજ્ઞિાક, રાજકોટ
- દિવાળીના મેસેજ મોબાઈલમાંથી ડિલીટ કરવા.
= આ જે લોકો ખાંડતા હોય છે એ પત્તર શુ છે ?
- રોહિત દરજી 'કર્મ', હિંમતનગર
- દિમાગના પાતળા ચોસલાં.
= મારા મિત્રને વારંવાર 'હદ હોતી હૈ, હદ હોતી હૈ યાર !' બોલવાની ટેવ છે. આ ટેવ છોડાવવા શું કરવું ?
- હરેશ લાલવાણી, અમદાવાદ
- હદ છે બોસ, તમને એ શું નડયો?
= અઘરા પ્રશ્નના જવાબ આપવા તમે કોઈની મદદ લો છો ?
- હસમુખ શાહ, અમદાવાદ
- હા, ક્યારેક દિમાગની.
= 'ચશ્મીશ ચચ્ચુ' બિલાડીનું જ કેમ બચ્ચું ? સિંહનું કે વાઘનું કેમ નહીં ?
- દર્શન કોઠારી, અમદાવાદ
- વાઘ-સિંહને ખિજાવતા બીક લાગે.
= શેરબજારનો આખલો અને ગીરનો આખલો સામસામે આવી જાય તો ?
- અમરત સોલંકી, બોટાદ
- શેરબજારવાળો આખલામાંથી અડધિયો થઈ જાય.
= તમે આ વખતે દિવાળીમાં કયો નવો સંકલ્પ કર્યો ?
- ઉમંગ કેવલરામાની, ઉના
- કોઈના ચડાવ્યા ચઢશું નહીં, આડાઅવળા સંકલ્પ કરશું નહીં.
= ઘર્ષણમુક્ત જીવન કેવી રીતે જીવાય ?
- વિપુલાબેન મકવાણા, રાજકોટ
- એક્ટિવા ચલાવતી વખતે બેઉ પગ ઉપર રાખીને.
= નવા નાકે દિવાળી એવી કહેવત કોણે પાડી ?
- જ્યોતિષ પાઠક, વડોદરા
- કોક પ્લાસ્ટિક સર્જને.
= વાળમાં લગાવવાની ડાઈને ડાઈ કે'વી કે ગાંડી ?
- હર્ષદ માધુ, વાવ
- ડા'યાભઈ એને કલપ કે'વાય.
= સીધી આંગળીએ ઘી ન નીકળે તો વાંકી કરવી, અને વાંકી આંગળીએ ન નીકળે તો ?
- મુકેશ ચંદારાણા, મીઠાપુર
- ગરમ કરવું.
= પ્રેમિકાના પ્રેમ અને પત્નીના પ્રેમને શું કહેવાય ?
- મહાસુખ દરજી, અમદાવાદ
- દૂધ અને દહીં, પણ બેઉમાં ન રખાય.
= પતિ ક્યારે દેવાળિયો બને છે?
- હંસાબેન જી. ભરૂચા, વિરાર
- બેકાર સાળાને ધંધો કરવા રૂપિયા આપે ત્યારે.
= ભૂતને આવકારવાનું બહુ મન થાય છે શું કરાય ?
- નરેશભાઈ બી. પરમાર, ભરૂચ
- રાતે બાર વાગે 'લે ભૂત ભૂત ભૂત...' કરી પીપળા પાસે જાવ.
= તમને સવાલ પૂછવા શું અમે સાવ નવરા છીએ ?
- જયસુખ પનાની, મુંબઈ
- ના ઉત્સુક છો, આતુર છો.
= જીતવા છતાં સન્માન કરવા હાર કેમ પહેરાવાય છે ?
- રોહિત ઠાકોર, ગુજરાત
- એ વર્તન અને વ્યવ'હાર' સારો કરે એટલે
= ઓનલાઈનવાળા કેમ કોઈની ઓળખાણ રાખતા નથી ?
- કનૈયાલાલ હરીલાલ ભાવસાર, વડનગર
- આધાર કાર્ડ લિન્ક ના હોય એટલે.
