કિંમતી ધાતુઓની તેજી હવે પ્લેટીનમ તથા પેલેડીયમ તરફ વળતા ઝડપી ઉછાળા

- પ્રસંગપટ

- મંથલી ભાવ ઉછાળામાં 40 વર્ષનો રેકોર્ડ તૂટયો

બેન્ક ઓફ અમેરિકાના જણાવ્યા મુજબ વૈશ્વિક સોનાના ભાવ ૨૦૨૬ સુધીમાં વધુ ૨૦ ટકા ઉંચા જવાની શક્યતા છે. આના પગલે વિશ્વ બજારમાં પ્લેટીનમ તથા પેલેડીયમના ભાવ પણ વધુ ઉંચા જવાની શક્યતા જાણકારો બતાવી રહ્યા હતા.

પ્લેટીનમના ભાવ જૂનમાં આશરે ૨૭ ટકા વધતાં ૪૦ વર્ષનો રેકોર્ડ આવી મંથલી તેજીના પગલે તૂટયો છે. અમુક ઈન્વેસ્ટરો ઉંચા ભાવોએ સોનું વેંચીને પ્લેટીનમ ખરીદતા પણ જોવા મળ્યા હતા. પ્લેટીનમના ભાવ તાજેતરમાં વધી ૧૦ વર્ષની ટોચે પહોંચ્યા હતા. વિશ્વ બજારના જાણકારોના જણાવ્યા મુજબ પ્લેટીનમમાં તાજેતરમાં માગ સામે સપ્લાયની  શોર્ટેજ જોવા મળી હતી. ધી વર્લ્ડ પ્લેટીનમ ઈન્વેસ્ટમેન્ટ કાઉન્સિલના જણાવ્યા મુજબ સતત ત્રણ વર્ષથી પ્લેટીનમમાં સપ્લાયની શોર્ટેજ વધી છે તથા આ વર્ષે આવી સપ્લાય  ડેફીસીટ વધી ૧૦ લાખ ઔંશ થઈ ગયાના વાવડ મળ્યા હતા.  પ્લેટીનમના વૈશ્વિક વાયદા બજારમાં તાજેતરમાં તેજીવાળાઓની પોઝીશન વધી છે.

વૈશ્વિક સ્તરે પ્લેટીનમનો વપરાશ વધારવા પ્લેટીનમ ગીલ્ડ ઈન્ટરનેશન દ્વારા પ્રયત્નો કરાઈ રહ્યા છે. ચીનની માગ પ્લેટીનમમાં વધી છે. બ્રિટન તથા ઝુરીચમાં પડેલો પ્લેટીનમનો જથ્થો તાજેતરમાં અમેરિકા તરફ રવાના કરવામાં આવ્યો હતો. તથા આના પગલે અમેરિકામાં પ્લેટીનમનો સ્ટોક ઝડપી વધી ગયાનું સૂત્રો જણાવી રહ્યા હતા. સાઉથ આફ્રિકાની પ્લેટીનમની ખાણોમાં પૂરનું પાણી આવતાં ઉત્પાદનને અસર પડી છે. પેલેડીયમના ભાવ વધી ૭ મહિનાની ટોચે પહોંચ્યા હતા.