US Announces $3,000 Incentive Scheme for Illegal Immigrants : અમેરિકન પ્રમુખ ડોનાલ્ડ ટ્રમ્પના આદેશ બાદ ગેરકાયદે પ્રવાસીઓને સતત ડિપોર્ટ કરાઈ રહ્યા છે. આ સ્થિતિમાં ગેરકાયદે પ્રવાસીઓને સ્વેચ્છાએ ડિપોર્ટ થવા ખાસ ઓફર પણ કરાઈ છે. અમેરિકાના ગૃહ સુરક્ષા વિભાગે ગેરકાયદે પ્રવાસીઓને 1 હજાર ડોલરના બદલે હવે ત્રણ હજાર ડોલરનું વળતર આપવાની જાહેરાત કરી છે.
ફ્લાઈટ ટિકિટ મળશે, સજા અને દંડમાંથી મુક્તિ
એટલું જ નહીં, અમેરિકામાં ગેરકાયદે રહેતી કોઈ પણ વ્યક્તિ આ વર્ષના અંત સુધીમાં CBP One નામની એપ પર રજિસ્ટ્રેશન કરાવશે, તો તેમને અમેરિકાથી સ્વદેશ પરત ફરવા મફત ફ્લાઈટ ટિકિટ પણ અપાશે. હવે 22 ડિસેમ્બરે કરાયેલી જાહેરાતમાં કહેવાયું છે કે, આ ઓફર સ્વીકારી લેનારાને કોઈ પણ પ્રકારના દંડ અને સજામાંથી પણ મુક્તિ અપાશે.
અત્યારે સ્વદેશ નહીં જાઓ તો ભવિષ્યમાં ધરપકડ
આ સાથે અમેરિકાના ગૃહ સુરક્ષા વિભાગે ચેતવણી પણ આપી છે કે જો કોઈ ગેરકાયદે પ્રવાસી આ યોજનામાં સામેલ નહીં થાય તો ભવિષ્યમાં તેની ધરપકડ થઈ શકે છે. આ ઉપરાંત તેના પર કાયમી ધોરણે પ્રતિબંધ પણ લાગી શકે છે.
