બદ્રીનાથમાં 10,500 ફૂટની ઉંચાઈ પર સ્થિત આ ચાની દુકાન પર કરી શકાશે UPI પેમેન્ટ

- ઉત્તરાખંડના બદ્રીનાથ પાસે માણા ગામમાં સ્થિત છે આ દેશની છેલ્લી ચાની દુકાન 

- 'ભારતની છેલ્લી ચાની દુકાન' માં હવે થશે ઓનલાઇન પેમેન્ટ 

નવી દિલ્હી,તા.5 નવેમ્બર 2022,શનિવાર

UPI પેમેન્ટ હવે ઉત્તરાખંડના બદ્રીનાથ પાસે માણા ગામમાં સ્થિત દેશની છેલ્લી ચાની દુકાન પર કરી શકાશે. ટોચના ઉદ્યોગપતિ આનંદ મહિન્દ્રાએ 10,500 ફૂટની ઉંચાઈ પર સ્થિત આ ટી સ્ટોલ પર આ સુવિધા અંગે ટ્વીટ કરીને ખુશી વ્યક્ત કરી છે.

એવું બન્યું કે જ્યારે યુપીઆઈ પેમેન્ટની સુવિધા શરૂ થઈ ત્યારે માણા ગામની આ છેલ્લી ચાની દુકાન વિશે એક યુઝરે ટ્વીટ અને વીડિયો શેર કર્યો હતો. શેર કરેલી તસવીરમાં, બોર્ડ પર લખ્યું છે કે, 'ભારતની છેલ્લી ચાની દુકાન' અને UPI બારકોડ અને દુકાનનો માલિક દેખાય છે. દસ હજાર ફૂટથી વધુની ઊંચાઈએ ડિજિટલ પેમેન્ટની સુવિધા મેળવવી એ ડિજિટલ ઈન્ડિયાનું એક ઉદાહરણ છે. તસવીરોમાં ચાની દુકાનના બોર્ડ પર 'મણિફદ્રપુરી (માણા), બ્યાસ ગુફા શ્રી બદ્રીનાથ' લખેલું જોવા મળે છે.

આ ટ્વીટ પર મહિન્દ્રા ગ્રુપના ચેરમેન આનંદ મહિન્દ્રાની નજર પડતાની સાથે જ તેઓ ખુશી વ્યક્ત કરતા પોતાની જાતને રોકી શક્યા નહીં. આ ટ્વીટ તેણે પોતાના ટ્વિટર હેન્ડલ પરથી શેર કર્યું છે. આ સાથે તેણે લખ્યું - જેમ તેઓ કહે છે, એક ચિત્ર 1000 શબ્દોનું મૂલ્ય ધરાવે છે, આ ચિત્ર ભારતના ડિજિટલ પેમેન્ટ ઇકોસિસ્ટમનો વ્યાપ અને સ્કેલ દર્શાવે છે, જય હો!'

મહિન્દ્રા સોશિયલ મીડિયામાં સક્રિય છે અને તે સતત કોઈને કોઈ વિષય પર ટ્વિટ કરીને નવા ભારતમાં સર્જનાત્મક પ્રવૃત્તિઓને પ્રોત્સાહિત કરવાનું ચાલુ રાખે છે. આ પહેલા પણ તેના ઘણા ટ્વીટ પોપ્યુલર થઈ ચૂક્યા છે. જો કે, જ્યારે પણ તમે બદ્રીનાથની આ છેલ્લી ચાની દુકાનની મુલાકાત લો ત્યારે તમારે ચા જરૂર પીવી જોઈએ, જેથી માણા ગામની યાદો તમારા મનમાં રહે.