આજે રાષ્ટ્રીય ઉર્જા સંરક્ષણ દિવસ

તા. 14 ડીસેમ્બર 2022, બુધવાર

વિશ્વની અર્થવ્યવસ્થાને ચલાવવા માટે ઊર્જા એ સૌથી મહત્વપૂર્ણ માધ્યમ છે. જેના દ્વારા વિવિધ ઉદ્યોગો, ઓટોમોબાઈલ, ફેક્ટરીઓ, ગેજેટ્સ, મશીનો, ઘરગથ્થુ વસ્તુઓ અને વિવિધ પ્રોજેક્ટ્સ ચલાવવામાં આવે છે. વિશ્વની અર્થવ્યવસ્થામાં વૃદ્ધિ સાથે, ઊર્જાની માંગ પણ દર વર્ષે વધી રહી છે, તેથી ઊર્જા સંરક્ષણ જરૂરી છે.

તેમજ ભવિષ્યની જરૂરિયાતોને ધ્યાનમાં રાખીને ઊર્જાનું સંરક્ષણ જરૂરી છે. દેશમાં ઉર્જા સંરક્ષણ અંગે જાગૃતિ લાવવા અને દેશના નાગરિકોને ઉર્જા સંરક્ષણમાં સક્રિય ભૂમિકા ભજવવા પ્રોત્સાહિત કરવા ભારત સરકાર દ્વારા દર વર્ષે આ જ દિવસે રાષ્ટ્રીય ઉર્જા સંરક્ષણ દિવસની ઉજવણી કરવામાં આવે છે.

દર વર્ષે 14 ડિસેમ્બરે રાષ્ટ્રીય ઉર્જા સંરક્ષણ દિવસનું આયોજન કરવામાં આવે છે. રાષ્ટ્રીય ઉર્જા સંરક્ષણ દિવસ ભારત સરકારના પાવર મંત્રાલય હેઠળની બંધારણીય સંસ્થા બ્યુરો ઓફ એનર્જી એફિશિયન્સી (બીઇઇ) હેઠળ ચલાવવામાં આવે છે, જેનો ઉદ્દેશ્ય ભારત સરકાર દ્વારા ઉર્જા સંરક્ષણ માટે દેશની યોજનાઓ અને સિદ્ધિઓ રજૂ કરવાનો છે. એનર્જી કન્ઝર્વેશન એક્ટ 2001 પછી દર વર્ષે 14 ડિસેમ્બરે રાષ્ટ્રીય ઉર્જા સંરક્ષણ દિવસ ઉજવવામાં આવે છે.

ઉર્જા સંરક્ષણ દિવસની ઉજવણીનો મુખ્ય હેતુ ઉર્જાનો ન્યાયપૂર્ણ ઉપયોગ અને ભવિષ્યની જરૂરિયાતોને ધ્યાનમાં રાખીને ઉર્જાનો ઉપયોગ કરવાનો છે. ઉર્જા સંરક્ષણ દિવસ દ્વારા નાગરિકોને ઉર્જા સંરક્ષણ વિશે જાગૃત કરવામાં આવે છે અને ઉર્જાની ભાવિ જરૂરિયાત વિશે માહિતી પૂરી પાડવામાં આવે છે. તેમજ આ દિવસના માધ્યમથી ઉર્જા સંરક્ષણ માટેના વિવિધ ઉપાયો વિશે નાગરિકોને માહિતી આપીને સહભાગીદારી દ્વારા ઉર્જા સંરક્ષણના મોટા ધ્યેયને હાંસલ કરવાનો પ્રયાસ પણ કરવામાં આવે છે.

દેશના સામાન્ય નાગરિકોની ભાગીદારીથી જ ઊર્જા સંરક્ષણ વાસ્તવમાં શક્ય છે. એક જાગૃત નાગરિક તરીકે, રોજિંદા જીવનમાં નાની નાની ક્રિયાઓ દ્વારા આપણે ઉર્જા સંરક્ષણમાં મહત્વપૂર્ણ યોગદાન આપી શકીએ છીએ અને ઉર્જા સંરક્ષણ ચળવળને સફળ બનાવવામાં આપણી ભૂમિકા ભજવી શકીએ છીએ. રોજિંદા જીવનમાં બિનજરૂરી ઈલેક્ટ્રીક બલ્બ, એસી., પંખા અને અન્ય ઉપકરણોને બંધ કરીને ઉર્જા સંરક્ષણમાં આપણી ભૂમિકા ભજવી શકીએ છીએ. સાથે સાથે ખાનગી વાહનને બદલે જાહેર વાહનનો ઉપયોગ ન થાય તો ટ્રાફિકમાં વાહનનું એન્જીન બંધ કરીને ઉર્જા સંરક્ષણ દ્વારા પરિવર્તનના વાહક બની શકીએ છીએ