નદીએ પથ્થરોને કોતરીને બનાવ્યો ભારતનો નકશો, જાણો ક્યાં છે આ જગ્યા?

તા. 7 ડીસેમ્બર 2022, બુધવાર 

મધ્યપ્રદેશના સંસ્કારધાનીમાં એક એવી જગ્યા છે, જ્યાં કુદરત સાથે મળીને નર્મદાનું પાણી સમગ્ર ભારતની છબી બનાવે છે. જબલપુર શહેરમાં સુંદરતાની અસંખ્ય વસ્તુઓ અને પ્રકૃતિની અદ્ભુત રચનાઓ છે. આ જબલપુરમાં મા નર્મદાની એક એવી તસવીર બતાવીએ છે, જ્યાં નદીની ધારાઓ ખડકોની વચ્ચે એવી રીતે વહે છે કે ત્યાં તમે ભારતનો નકશો સ્પષ્ટપણે જોઈ શકો છો. જબલપુરમાં નવા ભેડાઘાટ પાસે નર્મદા નદી ભારતનો નકશો બનાવે છે. આ દ્રશ્ય જોઈને આશ્ચર્ય થાય છે કે આ કેવી રીતે શક્ય છે. આ સ્થળ વિશે બહુ ઓછા લોકો જાણે છે. જે લોકો તેના વિશે જાણે છે, તે લોકો અહીં પહોંચી જાય છે અને સેલ્ફી કે ફોટોગ્રાફ લેવાની સાથે આ એકાંતનો આનંદ પણ માણે છે.

જબલપુરમાં નવા ભેડાઘાટ પાસે નર્મદા નદી બનાવે છે ભારતનો નકશો
આ સ્થળ તરત દેખાતું નથી, પણ તેને શોધવું પડે છે. સૌ પ્રથમ તમારે નવા ભેડાઘાટ પહોંચવાનું છે. તમને આ પોઇન્ટ ત્યાંથી માત્ર 2 કિમી દૂર ગ્વારી ગામના માર્ગ પર મળશે. અહીં જવા માટે તમારે કોઈ ખાસ સ્થળ યાદ રાખવાની જરૂર નથી. ભટકી જાવ તો નાના દુકાનદારોને પૂછો. તેઓ કહેશે કે મુખ્ય માર્ગ પર આ પોઇન્ટ ક્યાંથી સ્પષ્ટ રીતે દેખાય છે. અહીંથી તમે પ્રવાસીઓને નદીમાં બોટિંગ કરતા પણ જોશો.

ઉત્તરથી દક્ષિણ અને પૂર્વનો ભાગ નકશા જેવો જ દેખાય છે
નર્મદા અહીં ભારતનો નકશો કેવી રીતે બનાવે છે. ઉત્તરથી દક્ષિણ અને પૂર્વનો ભાગ નકશા જેવો જ દેખાય છે. પશ્ચિમ ભાગમાં એટલી સ્પષ્ટતા નથી પણ એકંદરે આ ચિત્ર સમગ્ર ભારતના નકશાનું ચિત્ર સ્પષ્ટ કરે છે. ખાસ વાત એ છે કે આ પ્રકારની તસવીર પર્વતો, વૃક્ષો અને નદીની સુંદરતાની સાથે સાથે ઉભરી આવે છે. નોંધપાત્ર રીતે, જબલપુરમાં નર્મદા નદી ભેડાઘાટના ધુંઆધાર ધોધ સાથે સંગેમરમરની ખડકો પણ જાણીતી છે.