| (AI IMAGE) |
SIR Deadline extended by Election Commission: ચૂંટણી પંચે ગુજરાત, મધ્ય પ્રદેશ, તમિલનાડુ અને ઉત્તર પ્રદેશ સહિત કુલ છ રાજ્યોમાં ચાલી રહેલી SIRની પ્રક્રિયા માટે સમયમર્યાદા લંબાવી દીધી છે. મુખ્ય ચૂંટણી અધિકારીઓ તરફથી મળેલી વિનંતીઓ બાદ, EC એ તમિલનાડુ, ગુજરાત, મધ્ય પ્રદેશ, છત્તીસગઢ, ઉત્તર પ્રદેશ અને આંદામાન નિકોબાર ટાપુઓ માટે SIRનું સુધારેલું શેડ્યુલ જાહેર કર્યું છે.
ગુજરાતમાં 19 ડિસેમ્બરે જાહેર થશે ડ્રાફ્ટ ઇલેક્ટોરલ રોલ
હવે ગુજરાતમાં SIR ફોર્મ ભરવાની છેલ્લી તારીખ 11 ડિસેમ્બરથી લંબાવીને 14 ડિસેમ્બર કરવામાં આવી છે. જ્યારે ડ્રાફ્ટ મતદાર યાદી જાહેર કરવાની તારીખ 16 ડિસેમ્બરને બદલે 19 ડિસેમ્બર કરવામાં આવી છે.
ગુજરાત, તમિલનાડુ, મધ્ય પ્રદેશ, છત્તીસગઢ, આંદામાન નિકોબાર ટાપુ, ઉત્તર પ્રદેશમાં અગાઉ ફૉર્મ ભરવાની છેલ્લી તારીખ 11 ડિસેમ્બર જ્યારે ડ્રાફ્ટ યાદી રજૂ કરવાની તારીખ 16 ડિસેમ્બર હતી. જોકે હવે જુદા જુદા રાજ્યો માટે જરૂરિયાત મુજબ જુદી જુદી તારીખ નક્કી કરવામાં આવી છે.
આ રાજ્યોમાં ફૉર્મ ભરવાનો આજે છેલ્લો દિવસ
ગોવા, પોંડિચેરી, લક્ષદ્વીપ, રાજસ્થાન અને પશ્ચિમ બંગાળમાં આજે ફૉર્મ ભરવાનો છેલ્લો દિવસ છે. જ્યારે 16 તારીખે ડ્રાફ્ટ યાદી જાહેર કરાશે. આ રાજ્યોની તારીખમાં ફેરફાર કરાયો નથી. કેરળમાં ફૉર્મ ભરવાની છેલ્લી તારીખ 18 ડિસેમ્બર, જ્યારે ડ્રાફ્ટ યાદી રજૂ કરવાની તારીખ 23 ડિસેમ્બર અગાઉ નક્કી કરવામાં આવી હતી. જેમાં કોઈ ફેરફાર કરાયો નથી.
