આજથી નવા ટ્રાફિક નિયમો લાગુ, જાણો કયા ગુના માટે કેટલો દંડ થશે

નવી દિલ્હી, તા.1 સપ્ટેમ્બર 2019, રવિવાર

હવે વાહન ચલાવતી વખતે બેદરકારી ભારે પડી શકે છે. આજથી દેશભરમાં નવો મોટર વ્હિકલ એક્ટ લાગુ થઈ ચુક્યો છે.

જેમાં કેટલાક મામલાઓમાં તો દંડની રકમ 5 ગણી અને 10 ગણી વધારવામાં આવી છે. 

લાઈસન્સ વગર ડ્રાઈવિંગ કરવા પર 5000 રૂપિયા દંડ આપવો પડશે. જે પહેલા 500 રૂપિયા જ હતો.

નશામાં ગાડી ચલાવવા બદલ હવે પોલીસ 10000 રૂપિયા દંડ વસુલ કરશે. જે પહેલા 2000 રૂપિયા જ હતો.

હેલમેટ નહી પહેરવા બદલ 100ની જગ્યાએ 1000 રૂપિયા દંડ તેમજ ત્રણ મહિના સુધી લાઈસન્સ સસ્પેન્ડ.

ટુ વ્હીલર પર બેથી વધુ વ્યક્તિ બેસાડવા માટે 100ની જગ્યાએ 2000 દંડ અથવા 3 મહિના લાઈસન્સ સસ્પેન્ડ.

ડ્રાઈવિંગ કરતી વખતે ફોન પર વાત કરવા માટે પહેલા 1000 અને હવે 5000 રૂપિયા દંડ.

ઓવર સ્પીડિંગ માટે પહેલા 400 રૂપિયા હતો. હવે પહેલી વખત પકડાશે તો લાઈટ વ્હિકલ્સ પર 1000 થી 2000 રૂપિયા અને મીડિયમ પેસેન્જર કે કોમર્શિયલ વ્હીકલ પર 2000 થી   4000 રૂપિયાનો દંડ, બીજી વખત પકડાવા પર લાઈસન્સ જપ્ત.

રેસિંગ અને સ્પીડિંગ માટે પહેલી વખત પકડાશે તો 1 મહિનાની જેલ અથવા 5000 રૂપિયા સુધી દંડ, બીજી વખત પકડાય તો 1 મહિનાની જેલ અથવા 10000 રૂપિયા સુધી દંડ.