NCERTનો મોટો નિર્ણય! ધોરણ 10-12ની ડિગ્રીને સરકારી નોકરીઓમાં સમાન માન્યતા
Summarized by AI; it may make mistakes. Check important info
Summarized by AI; it may make mistakes. Check important info
NCERT Equivalence STD.10-12 Certificates : રાષ્ટ્રીય શૈક્ષણિક સંશોધન અને તાલીમ પરિષદ (NCERT) હવે દેશભરના વિવિધ શિક્ષણ બોર્ડ દ્વારા ધોરણ 10 અને 12ની ડિગ્રીને સમાન માન્યતા આપશે. આ નિર્ણયનો સીધો લાભ વિદ્યાર્થીઓને ઉચ્ચ શિક્ષણ સંસ્થાઓમાં પ્રવેશ અને સરકારી નોકરીની ભરતી દરમિયાન થશે.
શિક્ષણ મંત્રાલયના શાળા શિક્ષણ અને સાક્ષરતા વિભાગે ઈ-ગેઝેટમાં તેનું જાહેરનામું પ્રકાશિત કર્યું છે. આ નવો આદેશ 15 નવેમ્બર, 2021ના રોજ જાહેરનામાને રદ કરે છે, જેમાં આ જવાબદારી ભારતીય યુનિવર્સિટીઓના સંગઠન (AIU)ને સોંપવામાં આવી હતી.
PARAKH હેઠળ થશે પ્રક્રિયા
મંત્રાલયે જણાવ્યું કે, હવે આ જવાબદારી નેશનલ અસેસમેન્ટ સેન્ટર - પર્ફોર્મન્સ એસેસમેન્ટ, રિવ્યુ અને નોલેજ ઓફ નોલેજ ફોર હોલિસ્ટિક ડેવલપમેન્ટ (PARAKH)ને સોંપવામાં આવી છે. આ કેન્દ્ર રાષ્ટ્રીય શિક્ષણ નીતિ 2020ની જોગવાઈ હેઠળ સ્થાપિત કરવામાં આવ્યું છે.
ક્યા લાગુ થશે આ નિયમો
- કેન્દ્ર સરકાર અને રાજ્ય સરકાર દ્વારા સ્થાપિત શિક્ષણ બોર્ડ
- સંસદ અથવા રાજ્ય વિધાનસભાના અધિનિયમ દ્વારા રચાયેલા બોર્ડ
- એક્ઝિક્યુટિવ ઓર્ડર દ્વારા રચાયેલા બોર્ડ
- વૈધાનિક સંસ્થાઓ અને માન્યતા પ્રાપ્ત સંસ્થાઓ પર જેમની પાસે આ સત્તા છે.
આ પણ વાંચો: દિલ્હી-NCRમાં ફટાકડા પર સંપૂર્ણ પ્રતિબંધ શક્ય નથી: દિવાળી પહેલા સુપ્રીમ કોર્ટની ટિપ્પણી
જાહેરનામા મુજબ, NCERTનો આ નિર્ણય દેશભરમાં માન્ય રહેશે. જેનાથી હવે વિદ્યાર્થીઓને અલગ-અલગ સ્કૂલ બોર્ડમાંથી સરળતાથી માઈગ્રેશન થવું સંભવ થશે અને તેમને સમગ્ર ભારતમાં એક સમાન માન્યતા મળશે. શિક્ષણ મંત્રાલયે જણાવ્યું હતું કે, "આ પગલું વિદ્યાર્થીઓ માટે આંતર-બોર્ડ પારદર્શિતા અને સુલભતા સુનિશ્ચિત કરશે. હવે, NCERT દ્વારા આપવામાં આવેલી માન્યતા પોતે જ તમામ સ્કૂલ શિક્ષણ બોર્ડ વચ્ચે સમાનતા સ્થાપિત કરશે."
