કોલકાતા દુષ્કર્મ કેસમાં હુમલા માટે વપરાયેલી હોકી સ્ટીક ઉપરાંત પોલીસે મહત્ત્વના પુરાવા એકઠાં કર્યા

Kolkata Law Student Sexual Assault Case: આરજી કર મેડિકલ કોલેજ દુષ્કર્મ-હત્યા કેસના એક વર્ષ કરતાં પણ ઓછા સમયમાં કોલકાતા ફરી એકવાર વધુ એક ભયાનક ઘટનાથી હચમચી ઉઠ્યું છે. દક્ષિણ કોલકાતા લો કોલેજ કેમ્પસમાં 24 વર્ષીય વિદ્યાર્થિની પર સામૂહિક દુષ્કર્મ થયુ હતું. આ કેસમાં મનોજિત મિશ્રા, પ્રોમિત મુખર્જી અને જૈદ અહેમદની ધરપકડ કરવામાં આવી છે. એવો આરોપ છે કે મનોજિતે પર વિદ્યાર્થીની સાથે દુષ્કર્મ કર્યું, જ્યારે અન્ય બે લોકોએ વીડિયો બનાવ્યા હતા જેથી વિદ્યાર્થીનીને બ્લેકમેલ કરી શકે. મનોજિત તૃણમૂલની યુવા વિંગનો સભ્ય છે. જોકે, પાર્ટીએ સ્પષ્ટપણે કહ્યું હતું કે તેને સૌથી કડક સજા મળશે.

પોલીસે મહત્ત્વના પુરાવા એકઠાં કર્યા

પોલીસે આ કેસમાં ઝડપથી કાર્યવાહી કરી છે. મનોજિત પર પીડિતાના માથા પર હોકી સ્ટીકથી હુમલો કરવાનો આરોપ છે. પોલીસે તે હોકી સ્ટીકને પુરાવા તરીકે સાચવી રાખી છે. તેમજ મનોજિત મિશ્રાએ લાલ કુર્તો, આછા ભૂરા રંગનો છ ખિસ્સાવાળું પેન્ટ અને કાળું શોર્ટ્સ પહેર્યો હોવાનું કહેવાય છે. પોલીસે આ કપડાં પણ જપ્ત કર્યા છે. પોલીસનું કહેવું છે કે આ કપડાં ગુના સમયે પહેરવામાં આવ્યા હતા. તેમજ પોલીસે રવિવારે જણાવ્યું હતું કે તેમણે ત્રણેય આરોપીઓના ડીએનએ સેમ્પલ પણ લઈ લીધા છે.

પોલીસને ગાર્ડ રૂમના ફ્લોર પર વાળ પણ મળ્યા. પીડિતાએ પોતાની ફરિયાદમાં લખ્યું છે કે, 'હું ત્યાં લાશની જેમ પડી રહી હતી.' પોલીસનું કહેવું છે કે, 'સીસીટીવી ફૂટેજમાં સ્પષ્ટ દેખાય છે કે પીડિતા કોલેજના મુખ્ય દરવાજા તરફ દોડી ગઈ હતી પરંતુ તેને બળજબરીથી ગાર્ડ રૂમમાં પાછો ખેંચી લાવવામાં આવી હતી. આથી એવું કહી શકાય કે પીડિતાએ પોતાને બચાવવાની પૂરી કોશિશ કરી હતી અને અંતે હારી ગઈ હતી.' 

મનોજિતના મોબાઇલમાંથી ઘટનાનો વીડિયો મળ્યો 

આ કેસમાં મનોજિત મિશ્રાનો મોબાઇલ ફોન સૌથી મહત્ત્વપૂર્ણ પુરાવો છે. પોલીસનું માનવું છે કે સહ-આરોપી જૈબ અહેમદ અને પ્રોમિત મુખર્જીએ મનોજિત મિશ્રાના કહેવા પર ઘટનાનો વીડિયો બનાવ્યો હતો. બંને આરોપીઓ કાયદાના વિદ્યાર્થીઓ છે. વીડિયો બનાવતી વખતે, તેઓએ ખાતરી કરી હતી કે પીડિતાનો ચહેરો સ્પષ્ટ દેખાય. આ વીડિયો તપાસ માટે કોલકાતાના સોલ્ટ લેક સ્થિત સાઈબર ફોરેન્સિક લેબમાં મોકલવામાં આવ્યા છે.

કોલેજની સીસીટીવી ફૂટેજ ચેક કરવામાં આવી

સીસીટીવી ફૂટેજ બુધવારે સાંજે 7:30 થી 10:50 વાગ્યાની વચ્ચે શું બન્યું તે બતાવે છે. કેમેરામાં કેદ થાય છે કે પીડિતા મુખ્ય દરવાજા તરફ દોડી ગઈ હતી, પરંતુ તેને પકડીને ગાર્ડ રૂમમાં પાછો લઈ જવામાં આવ્યો હતો. સીસીટીવી ફૂટેજમાં મિશ્રાએ પહેલો કુર્તા તેના કાલીઘાટના ઘરની તપાસ દરમિયાન મળી આવ્યો હતો. 

ફૂટેજના આધારે જાણવા મળ્યું છે કે તે દિવસે કોલેજમાં 25 વિદ્યાર્થીઓ હતા. ઘટના પહેલા યુનિયન રૂમમાં 7 વિદ્યાર્થીઓ હતા. પોલીસે કોલેજ પ્રશાસન પાસેથી આ વિદ્યાર્થીઓના નામ, ફોન નંબર અને સરનામાં માંગ્યા છે.

આ પણ વાંચો: ગુજરાતથી ઓમાન જતા જહાજમાં લાગી આગ, ભારતીય મૂળના 14 ક્રૂ મેમ્બર્સ હતા સવાર, ઈન્ડિયન નેવી મદદે પહોંચી

મિશ્રાના ફોનમાંથી અન્ય ઘણી વિદ્યાર્થિનીઓના ફોટો મળ્યા

મિશ્રાના ફોનમાંથી ઘણી વધુ ચોંકાવનારી બાબતો બહાર આવી છે. સૂત્રોના જણાવ્યા અનુસાર, તેના ફોનમાંથી ઘણી વિદ્યાર્થિનીઓના મોર્ફ કરેલા ફોટો મળ્યા છે. આ તસવીરોમાં, વિદ્યાર્થિનીઓના ચહેરા અશ્લીલ તસવીરો પર લગાવવામાં આવ્યા હતા અને વોટ્સએપ ગ્રુપમાં શેર કરવામાં આવ્યા હતા.

મનોજિતના ઘરની તપાસ કરવામાં આવી

સહાયક પોલીસ કમિશનરની આગેવાની હેઠળની 9 સભ્યોની એસઆઈટી ટીમે રવિવારે હાવડામાં પ્રોમિતના ઘરની તપાસ કરી. ટીમે તેના કમ્પ્યુટરમાં વધુ વીડિયો શોધવાનો પ્રયાસ કર્યો. પડોશીઓએ વિરોધ કર્યો, પરંતુ ટીમ બે કલાક ત્યાં રહી. ટીમમાં ચાર સબ-ઇન્સ્પેક્ટર પણ હતા, જેમાંથી એક મહિલા અધિકારી હતી. જોકે ટીમને ત્યાં શું મળ્યું તે હજુ સુધી જાણી શકાયું નથી.