IND vs PAK : ફાઈનલ અગાઉ ટીમ ઈન્ડિયા ટેન્શનમાં, 3 સ્ટાર ખેલાડી ઈન્જર્ડ, રમવા સામે આશંકા

Asia Cup 2025 Ind vs Pak Final news : T20 એશિયા કપ 2025 ની ફાઇનલ આજે ટીમ ઇન્ડિયા અને પાકિસ્તાન વચ્ચે રમાશે. એશિયા કપ શરૂ થયાને 41 વર્ષ થઈ ગયા છે, અને પહેલી વાર બંને ટીમો ફાઇનલમાં ટકરાશે. જે આ મેચને રોમાંચક અને ખાસ બનાવે છે. આ એશિયા કપમાં ભારત અને પાકિસ્તાન બે વાર ટકરાયા છે, જેમાં બંને વખત ભારત જીત્યું છે. પાકિસ્તાન વળતો પ્રહાર કરવાનો પ્રયાસ કરશે અને ભારત ફરી એકવાર પડોશી ટીમનો મૂડ બગાડવા તૈયાર છે. આ જ કારણ છે કે આજની મેચ હાઇ-વોલ્ટેજ રહેશે. તો, ચાલો જાણીએ કે બંને ટીમોના પ્લેઇંગ ઇલેવન કેવા હોઈ શકે છે: કોણ બહાર  થશે અને કોણ ઈન્જર્ડ છે.

કયા ત્રણ ખેલાડી ઈન્જર્ડ 

ટીમ ઇન્ડિયાના સંભવિત પ્લેઇંગ ઇલેવન વિશે વાત કરીએ તો શ્રીલંકા સામેની અંતિમ સુપર 4 મેચમાં ત્રણ ભારતીય ખેલાડીઓ સ્ટ્રેચને કારણે ઈન્જર્ડ થયા હતા.  તેમાં ઓલરાઉન્ડર હાર્દિક પંડ્યા, ઓપનર અભિષેક શર્મા અને મિડલ ઓર્ડર બેટ્સમેન તિલક વર્માનો સમાવેશ થાય છે. જો આમાંથી કોઈ પણ ખેલાડી ફરી રમવા સક્ષમ નહીં હોય તો ટીમ ઈન્ડિયાનું ટેન્શન વધશે. 

ટીમ ઈન્ડિયા માટે ચિંતાનો વિષય 

જો આ ત્રણેય ખેલાડીમાંથી કોઈ એક પણ સ્વસ્થ થવામાં નિષ્ફળ જાય, તો તે ચિંતાનું કારણ બનશે, કારણ કે ત્રણેય ખેલાડીઓએ આ એશિયા કપમાં સારું પ્રદર્શન કર્યું છે. જસપ્રીત બુમરાહ અને શિવમ દુબે પાછા ફરશે તે નક્કી દેખાય છે પરંતુ જો હાર્દિક અનફિટ હશે તો અર્શદીપ તેની જગ્યા લઈ શકે છે અને રિંકુ સિંહ તિલક વર્માની જગ્યાએ રમી શકે છે. જોકે અભિષેક શર્મા પણ અનફિટ સાબિત થશે તો સેમસન તેની જગ્યાએ ઇનિંગ ઓપન કરી શકે છે અને જીતેશ શર્મા વિકેટકીપર તરીકે રમી શકે છે. એક રીતે, એવું કહી શકાય કે ટીમ ઈન્ડિયામાં આજે ઘણા ફેરફાર થઇ શકે છે. 

ભારતની સંભવિત પ્લેઇંગ ઇલેવન

અભિષેક શર્મા, શુભમન ગિલ, સૂર્યકુમાર યાદવ (કેપ્ટન), તિલક વર્મા/રિંકુ સિંહ, સંજુ સેમસન (વિકેટકીપર), હાર્દિક પંડ્યા/અર્શદીપ સિંહ, અક્ષર પટેલ, શિવમ દુબે, કુલદીપ યાદવ, જસપ્રીત બુમરાહ અને વરુણ ચક્રવર્તી.

પાકિસ્તાનમાં કોઈ ફેરફાર નહીં થાય 

સલમાન અલી આગાની આગેવાની હેઠળની ટીમમાં કોઈ ફેરફાર થવાની શક્યતા નથી. દરેક ખેલાડી પસંદગી માટે ઉપલબ્ધ છે, પરંતુ એવું માનવામાં આવે છે કે પાકિસ્તાન સુપર 4 મેચમાં જીતેલા સંયોજન સાથે પરત ફરશે. બેટિંગ ક્રમ પહેલાથી જ બદલાઈ ગયો છે, જેનો ટીમને ફાયદો થયો છે. તેથી, અહીં વધુ ફેરફારોની શક્યતા ઓછી છે.

પાકિસ્તાનની સંભવિત પ્લેઈંગ ઈલેવન

સાહિબજાદા ફરહાન, ફખર ઝમાન, સૈમ અયુબ, સલમાન અલી આગા (કેપ્ટન), હુસૈન તલત, મોહમ્મદ હરિસ (વિકેટકીપર), મોહમ્મદ નવાઝ, ફહીમ અશરફ, શાહીન આફ્રિદી, હરિસ રૌફ અને અબરાર અહેમદ