ગેસ સિલિન્ડરથી લઈને આધાર કાર્ડ સુધી... દેશભરમાં 1 જુલાઈથી થશે 5 મોટા ફેરફાર, કારના ભાવ પણ વધશે

Rule Change : જૂન મહિનો સમાપ્ત થવામાં છે અને 5 દિવસ પછી જુલાઈ મહિનાની શરૂઆત થવા જઈ રહી છે. દર મહિનાની જેમ આગામી મહિનો પણ પોતાના સાથે 5 મોટા ફેરફારો લઈને આવી રહ્યો છે, જેની સીધી અસર તમારા ખિસ્સા પર પડશે.

1… LPG સિલિન્ડરના ભાવમાં ફેરફાર

દર મહિનાની 1 તારીખે તેલ કંપનીઓ એલપીજી સિલિન્ડરના ભાવની સમીક્ષા કરે છે. વૈશ્વિક તણાવ વચ્ચે અગાઉ 1 જૂનના રોજ પણ કોમર્શિયલ સિલિન્ડર 53.50 રૂપિયા મોંઘો થયો હતો, જેના પછી દિલ્હીમાં 19 કિલોના સિલિન્ડરની કિંમત 3113.50 રૂપિયા થઈ ગઈ હતી. 1 જુલાઈએ ફરી નવો ભાવ નક્કી થશે, જેના પર સામાન્ય જનતાની નજર રહેશે.

2… હવાઈ સફર પર અસર (ATF કિંમતો)

મહિનાની પહેલી તારીખે વિમાનના ઇંધણ એટલે કે ATF (એર ટર્બાઇન ફ્યુઅલ)ના દરો પણ સુધારવામાં આવે છે. જો કંપનીઓ કિંમતમાં વધારો કરશે તો હવાઈ મુસાફરી મોંઘી થવાનો આંચકો લાગશે અને જો ઘટાડો થશે તો મુસાફરોને ટિકિટના દરમાં રાહત મળશે.

3… HDFC ક્રેડિટ કાર્ડનો નવો નિયમ

જો તમે HDFC બેંકનું રેગેલિયા ગોલ્ડ ક્રેડિટ કાર્ડ વાપરો છો, તો 1 જુલાઈ 2026થી નિયમ કડક થઈ રહ્યો છે. હવે ઘરેલું એરપોર્ટ લાઉન્જની ફ્રી સર્વિસ ચાલુ રાખવા માટે તમારે આગામી ક્વાર્ટરમાં આ સેવાનો લાભ લેવા માટે અગાઉના ક્વાર્ટરમાં ઓછામાં ઓછો 60,000 રૂપિયાનો ખર્ચ કરવો પડશે.

4… કાર ખરીદવી થશે મોંઘી

નવી કાર ખરીદવાનું વિચારતા લોકોને મોંઘવારીનો મોટો આંચકો લાગવાનો છે. 1 જુલાઈથી કિયા (KIA) મોટર્સ પોતાની કારોની કિંમતમાં 2% સુધીનો વધારો કરવાની છે. જ્યારે ટાટા મોટર્સ (Tata Motors) પણ પોતાના ICE અને EV મોડલ્સના ભાવમાં 1.5% સુધીનો વધારો કરવા જઈ રહી છે.

5… આધાર કાર્ડ યુઝર્સ માટે મોટી રાહત

1 જુલાઈથી આધાર કાર્ડ ધારકોને મોટી રાહત મળવા જઈ રહી છે. UIDAI ના નવા નોટિફિકેશન મુજબ, જો તમારા આધારમાં ઈમેલ આઈડી અપડેટ નથી, તો 1 જુલાઈથી આ કામ બિલકુલ ફ્રીમાં થશે. આગામી 6 મહિના (ડિસેમ્બર સુધી) માટે આ ફ્રી સર્વિસ આપવામાં આવી છે, જેના માટે પહેલા 75 રૂપિયાનો ચાર્જ ચૂકવવો પડતો હતો.