'હું રોજ 4-5 નરાધમોની હવસનો શિકાર બનતી...', એક ભૂલના કારણે ધોરણ 9ની વિદ્યાર્થિની દુષ્કર્મનો ભોગ બની!

Class 9th Student Misdemeanor Case: ઉત્તર પ્રદેશના ગોરખપુર જિલ્લાના ચૌરીચૌરા પોલીસ સ્ટેશન હદ વિસ્તારમાં ગંભીર અને સંવેદનશીલ ઘટના ઘટી છે. જેમાં ધોરણ 9ની એક વિદ્યાર્થિની સાથે થયેલી દુષ્કર્મની ઘટનાએ સમગ્ર પંથકના લોકોને હચમચાવી નાખ્યા છે. પીડિતાએ સોશિયલ મીડિયા અને હાઈફાઈ જિંદગી જીવવાની ચાહમાં અભ્યાસ છોડી પરિવારથી દૂર જવાના લીધેલા નિર્ણયે તેનું આખું જીવન બદલી નાખ્યું. આજે પીડિતા પોતાના લીધેલા એક ખોટા નિર્ણયને લઈને પસ્તાવો કરી રહી હોવાનું સામે આવ્યું છે, ત્યારે ચાલો જાણીએ શું છે સમગ્ર ઘટના.

એક ભૂલના કારણે ધોરણ 9ની વિદ્યાર્થિની દુષ્કર્મનો ભોગ બની!

ગોરખપુર જિલ્લામાં ધોરણ-9ની વિદ્યાર્થિની સાથે દુષ્કર્મની ચોંકાવનારી ઘટના ઘટી છે. સમગ્ર ઘટના મામલે પીડિતાની માતાએ કહ્યું કે, 'મારી દીકરી શરૂઆતથી ભણવામાં ઠીક હતી, પરંતુ ધીરે-ધીરે તે સોશિયલ મીડિયાના પ્રભાવમાં આવી. જેમાં હાઈફાઈ જીવનની ઘેલછાએ તેને પરિવાર અને ભણતરથી દૂર કરી દીધી. આ પછી તે પરિવારને નજરઅંદાજ કરવા લાગી અને સ્કૂલ જવાનું પણ છોડી દીધું. દેખાવો અને સારી જિંદગી જીવવાના સપનમાં તે ખોવાઈ ગઈ અને ઘરેથી જવાનું ખોટું પલગુ ભર્યું. જેને તેની આખી જિંદગી બદલી નાખી.'

પ્રાપ્ત વિગત અનુસાર, 1 નવેમ્બરના રોજ વિદ્યાર્થિની પરિવારની જાણ બહાર ઘરેથી નીકળી ગઈ હતી. આ પછી તે એવા માહોલમાં પહોંચી ગઈ કે જ્યાં તેને છેતરપિંડી અને શોષણનો સામનો કરવો પડ્યો હતો. જેમાં ભરોસાના નામે અલગ-અલગ લોકોએ પીડિતાનો ફાયદો ઉઠાવ્યો અને ધીરે-ધીરે તે શોષણના જાળમાં ફસાતી ગઈ હતી. 

પીડિતાએ જણાવી આપવીતી 

પીડિતા અનુસાર, દેવરિયા નિવાસી એક યુવકે તેના રૂમમાં પીડિતાને ઘણા દિવસ સુધી રાખી અને દુષ્કર્મ ગુજાર્યું હતું. આ પછી તેને અન્ય લોકો પાસે મોકલવામાં આવતી હતી. આરોપી છે કે, એક મકાનમાં તેને અનેક રૂમમાં રાખવામાં આવતી હતી, જ્યાં અલગ-અલગ લોકો પાસે તેને મોકલીને જબરદસ્ત સંબંધ બનાવવામાં આવતા હતા. પીડિતાએ વેદના વ્યક્ત કરી હતી કે, 'એક દિવસમાં 4-5 લોકો સાથે સુવુ પડતુ હતું અને દર્દ થતાં દવા આપવામાં આવતી હતી.'

પોલીસને જાણવા મળ્યું હતું કે, કેટલીક મહિલાઓ પણ સમગ્ર નેટવર્કનો ભાગ હતી. આ મહિલાઓ દ્વારા લોકો પાસેથી પૈસા લઈને પીડિતાઓને તેમની પાસે મોકલતી હતી. 

હાઈફાઈ જીવનની લાલચ આપી કર્યું શોષણ

પીડિતાએ જણાવ્યું કે, 'મને મોંઘા મોબાઈલ, સારા કપડા અને સારું જીવન જીવવાની લાલચ આપી હતી. જેમાં હું લાંબા સમય સુધી શોષણનું શિકાર બનતી રહી.'

આ પણ વાંચો: VIDEO: મથુરા બોટ દુર્ઘટના પહેલાનો વીડિયો આવ્યો સામે, શ્રદ્ધાળુઓ ભજન-કીર્તન કરી રહ્યા હતા

પોલીસે ગુનો નોંધી તપાસ આદરી

પોલીસે પીડિતાના મોબાઈલથી ફોટો, વીડિયો અને કોલ ડિટેઈલ રેકોર્ડ જેવા અગત્યના પૂરાવા મેળવી સમગ્ર મામલાની તપાસ હાથ ધરી છે. સમગ્ર રેકેટ મામલે પોલીસે કેટલાક આરોપીઓને કસ્ટડીમાં લીધા છે.

પરિવાર શોકમાં, દીકરીના ભવિષ્યની માતા-પિતાને ચિંતા

સમગ્ર ઘટના બાદ પીડિતાનો પરિવાર શોકમાં છે. પીડિતાના પિતાએ કહ્યું કે, 'આ ઘટના કોઈપણ પરિવાર માટે અસહ્ય છે. દીકરીના ભવિષ્યની ચિંતા સાથે પરિવાર પર જોખમ વર્તાઈ રહ્યું છે.' જ્યારે પીડિતાની માતાએ કહ્યું કે, 'મારી દીકરી સાથે અમાનવીય વ્યવહાર થયો છે.'

આ પણ વાંચો: મિર્ઝાપુરમાં ફિલ્મી સ્ટાઈલમાં ધોળા દિવસે હત્યા, વકીલની ગોળી મારી હત્યા, ઘટનાનો લાઈવ વીડિયો વાઈરલ

પોલીસ અધિકારીએ શું કહ્યું?

સમગ્ર ઘટના મામલે પોલીસ અધિકારીનું કહેવું છે કે, આ કેસને લઈને અત્યાર સુધીમાં 12 આરોપીઓ સામે કાર્યવાહી કરવામાં આવી છે. સંબંધિત પૂરાવાના આધારે કેસની તપાસ શરૂ છે. આ ગુનામાં જે પણ નવા નામ સામે આવશે, તેમની સામે કાર્યવાહી હાથ ધરવામાં આવશે.