રજનીકાન્તે કૂલી ફિલ્મ માટે 260 કરોડની ફી મેળવ્યાની ચર્ચા

આમિરને માત્ર કેમિયોના ૨૫ કરોડ મળશે

નાગાર્જુનને  ૨૪ કરોડ, દિગ્દર્શક લોકેશ કનગરાજને ૬૦ કરોડ ચૂકવાશે

મુંબઇ -  રજનીકાન્તે તેની આગામી ફિલ્મ 'કૂલી' માટે ૨૬૦ કરોડની ફી લીધી હોવાનું કહેવાય છે. આ ફિલ્મમાં આમિર ખાનનો કેમિયો છે. તેને માત્ર કેમિયો કરવા માટે પચ્ચીસ કરોડ રુપિયા મળવાના છે. એકટ્રેસ પૂજા હેગડે આ  ફિલ્મમાં એક આઈટમ સોંગ કરી રહી છે. તેને ફક્ત બે કરોડ રુપિયા ચૂકવાશે. 

.આ ફિલ્મ  આગામી ૧૪મી ઓગસ્ટના રોજ રિલીઝ થવાની છે. આ ફિલ્મનું કુલ બજેટ ૪૦૦ કરોડ રુપિયા મનાય છે. નાગાર્જુન અક્કિનેનીએ ૨૪ કરોડથી વધુ ફી લીધી છે. એટલું જ નહીં દિગ્દર્શક લોકેશ  કનગરાજે  ૬૦ કરોડની ફી લીધી છે. 

ફિલ્મના અન્ય કલાકારો  શ્રુતિ હાસન, સત્યરાજ અને ઉપેન્દ્ર રાવને જોકે ફીમાં ખાસ વધારો મળ્યો નથી.