મ્યુ. ચૂંટણીઓને સુપ્રીમની લીલીઝંડી પરંતુ પરિણામા અનામતના ચુકાદાને આધીન

ચૂંટણી થશે તો પણ 50 ટકા અનામત અંગે ચુકાદાની તલવાર લટકતી રહેશે

 હવે જે સંસ્થાઓની ચૂંટણીની અધિસૂચના પ્રગટ થવાની બાકી છે ત્યાં ૫૦ ટકાની મર્યાદા ન ઓળંગાય તે સુનિશ્ચિત કરવા ચૂંટણી પંચને આદેશ

મુંબઈ -  સુપ્રીમ કોર્ટનો મોટો નિર્ણય આવતાં સ્થાનિક સંસ્થાઓની ચૂંટણીઓનો માર્ગ મોકળો થયો છે. મ્યુનિસિપલ, મ્યુનિસિપલ કાઉન્સિલ, મ્યુનિસિપલ કોર્પોરેશન અને જિલ્લા પરિષદની ચૂંટણીઓ યોજાશે, પરંતુ   ૫૦ ટકા અનામત મર્યાદાની લટકતી તલવાર બાકી છે. તેથી, ઉમેદવારો ચૂંટાઈ આવે તો પણ તેમની ચિંતા યથાવત રહેવાની છે.

સુપ્રીમ કોર્ટે શુક્રવારે એક મહત્વના ચુકાદામાં જણાવ્યું હતું કે રાજ્ય ચૂંટણી પંચે  જે સ્થાનિક સંસ્થાઓ માટે ચૂંટણીઓ માટે હજુ સુધી સૂચના જારી કરવામાં આવી નથી, ત્યાં અનામત મર્યાદા ૫૦ ટકાથી વધુ ન થાય તે સુનિશ્ચિત કરવાનું રહેશે.  મુખ્ય ન્યાયાધીશ સૂર્યકાંત અને ન્યાયાધીશ જોયમલ્યા બાગચીએ સ્પષ્ટતા કરી હતી કે આ ચૂંટણીઓના પરિણામો અદાલતમાં પેન્ડિંગ અરજીઓના પરિણામ પર નિર્ભર રહેશે.

 રાજ્યમાં સ્થાનિક સંસ્થાઓમા એબીસી અનામત સામેની અરજીઓની આજે તેમની બેન્ચ સમક્ષ સુનાવણી કરવામાં આવી હતી.

મહારાષ્ટ્ર રાજ્ય ચૂંટણી પંચના વકીલ બલબીર સિંહે દલીલ કરી હતી. રાજ્યમાં ૨૪૬ નગર પરિષદો અને ૪૨ નગર પંચાયતો માટે ચૂંટણી પ્રક્રિયા શરૃ થઈ ગઈ છે. બીજી  ડિસેમ્બરે મતદાન થશે. તેમણે કહ્યું કે ૪૦ નગર પરિષદો અને ૧૭ નગર પંચાયતોમાં ૫૦ ટકા અનામત મર્યાદા ઓળંગાઈ ગઈ છે. સિંહે દલીલ કરી હતી કે ૨૯ નગર નિગમ, ૩૨ જિલ્લા પરિષદો અને ૩૪૬ પંચાયત સમિતિઓની ચૂંટણીઓની હજુ સુધી જાહેરાત કરવામાં આવી નથી.

સુનાવણી દરમિયાન, સુપ્રીમ કોર્ટે આ મામલાને  ત્રણ  ન્યાયાધીશોની બેન્ચને સોંપતા સ્પષ્ટતા કરી હતી કે અરજીઓ પર આગામી સુનાવણી ૨૧ જાન્યુઆરીએ થશે. તેણે રાજ્યને પહેલાથી જ જાહેર થયેલી ચૂંટણીઓ યોજવાની પણ મંજૂરી આપી હતી. હવે નગર પરિષદ અને નગર પંચાયતોની ચૂંટણીઓ જાહેર કરેલા સમયપત્રક મુજબ યોજાશે. પરંતુ જે સ્થાનિક સંસ્થાઓમાં અનામત ૫૦ ટકાથી વધુ છે તેમના પરિણામો. જોકે, સુપ્રીમ કોર્ટે આજના ચુકાદામાં સ્પષ્ટતા કરી છે કે તેમના પરિણામો ઉપરોક્ત અરજીઓના પરિણામો પર આધારિત રહેશે.

જ્યારે, જિલ્લા પરિષદ અને પંચાયત સમિતિમાં અનામત ૫૦ ટકાથી વધુ નથી. કોર્ટે ચુકાદામાં સ્પષ્ટ કર્યું હતું કે ચૂંટણીઓ અગાઉના આદેશો મુજબ જ યોજાશે. કોર્ટના ધ્યાન પર લાવવામાં આવ્યું હતું કે જિલ્લા પરિષદ, મ્યુનિસિપલ કોર્પોેરેશન અને પંચાયત સમિતિની ચૂંટણીઓની જાહેરાત હજુ સુધી કરવામાં આવી નથી. ત્યારબાદ, મુખ્ય ન્યાયાધીશે નિર્દેશ આપ્યો હતો કે ૫૦ ટકાથી વધુ અનામત ધરાવતી ૫૭ સંસ્થાઓની ચૂંટણીઓ આ કેસના અંતિમ ચુકાદાને આધીન રહેશે. જ્યારે, રાજ્ય ચૂંટણી પંચે નિર્દેશ આપ્યો હતો કે જે સ્થાનિક સંસ્થાઓમાં ચૂંટણીઓની જાહેરાત કરવાની હોય તેમાં ૫૦ ટકાથી વધુ અનામત ન હોવી જોઈએ.