મુંબઈ પોલીસ યુએસ એજન્સીઓના સંપર્કમાં
વોઈસ નોટ પરનો અવાજ હેરી બોક્સ સાથે મેળ ખાય છેઃ રણવીરને મેનેજરનું નિવેદન નોંધવામાં આવ્યું
પ્રાથમિક તપાસ દરમિયાન, મુંબઈ ક્રાઈમ બ્રાન્ચને જાણવા મળ્યું કે બિશ્નોઈ ગેંગના એક નજીકના સાથી હેરી બોક્સરે કથિત રીતે અભિનેતાને ધમકી આપતી અને ૧૦ કરોડ રૂપિયાની માંગણી કરતી વોઇસ નોટ મોકલી હતી. આ વોઇસ મેસેજ રણવીર સિંહના મેનેજરના વોટ્સએપ નંબર પર મળ્યો હોવાનું કહેવાય છે.
ક્રાઈમ બ્રાન્ચના પ્રાથમિક તારણો સૂચવે છે કે નોટમાં રહેલો અવાજ હેરી બોક્સરનો અવાજ સાથે મેળ ખાય છે. જોકે અધિકારીઓએ જણાવ્યું હતું કે દાવાને સમર્થન આપવા માટે વધુ પુરાવા એકત્રિત કરવામાં આવી રહ્યા છે.
તપાસકર્તાઓના જણાવ્યા અનુસાર ફિલ્મ નિર્માતા રોહિત શેટ્ટીના ઘરની બહાર તાજેતરમાં થયેલી ગોળીબારની ઘટના પછી ધમકીભર્યો વોઇસ નોટ મોકલવામાં આવ્યો હતો.
ધમકી બાદ રણવીર સિંહની આસપાસ સુરક્ષા વધારવાં આવી છે. ક્રાઈમ બ્રાન્ચે અભિનેતાના મેનેજરનું નિવેદન નોંધ્યું છે અને તેની તપાસ ચાલુ રાખી છે. પોલીસ અધિકારીઓએ સ્પષ્ટતા કરી કે આ મામલે અત્યાર સુધી કોઈ એફઆઈઆર નોંધવામાં આવી નથી, પરંતુ ઝીણવટભરી તપાસ શરૂ કરવામાં આવી છે.
