એક સમયની લોકપ્રિય બાળ કલાકાર બેબી ગુડ્ડુના પિતાનું મોત
દુર્ગધને પગલે પડોશીઓએ પોલીસને જાણ કર્યા બાદ પોલીસ ટીમે દરવાજો ખોલ્યોઃ કેટલાય દિવસોથી બહાર દેખાયા ન હતા
આ બાબતે ઓશિવારા પોલીસ મથકના સિનિયર ઇન્સ્પેકટર સંજય ચવ્હાણે જણાવ્યું હતું કે તેઓ ઘણા સમયથી બીમાર હતા અને ઘરમાં એકલા રહેતા હતા. તેમનો પરિવાર દુબઇ ગયો હતો અને તેમણે બેગનો સંપર્ક કરવાનો પ્રયાસ કર્યો હતો પણ તેઓ કોઇ પ્રતિસાદ આપી રહ્યા નહોતા. તેમના પબ્લિસિસ્ટ હનીફ ઝવેરીએ મીડિયાને જણાવ્યું હતું કે તેઓ ઘણા સમયથી બીમાર હતા અને છેલ્લા ચાર-પાંચ દિવસથી ઘરની બહાર નીકળ્યા નહોતા. તેમના ઘરમાંથી દુર્ગંધ આવતી હોવાથી પાડોશીઓએ પોલીસને જાણ કર્યા બાદ પોલીસે દરવાજો ખોલાવ્યો ત્યારે બેગનો મૃતદેહ મળી આવ્યો હતો. ત્યાર બાદ તેમના પરિવારને આ વાતની જાણ કરવામાં આવી હતી અને ગુુરુવારે તેમના મૃતદેહને પોસ્ટમોર્ટમ માટે કૂપર હોસ્પિટલમાં લઇ જવામાં આવ્યો હતો. આ ઘટનાની જાણ થયા બાદ તેમનો પરિવાર દુબઇથી મુંબઇ આવવા રવાના થયો હતો.
એમ. એમ. બેગની હિન્દી ફિલ્મોની એક સમયે લોકપ્રિય બાળ કલાકાર બેબી ગુડ્ડુના પિતા હતા.
