ટીસીએસ કેસમાં નવો વળાંક,હવે પુરુષ કર્મીઓની પણ ફરિયાદ
રિમાન્ડ અરજીમાં વધુ ચોંકાવનારા ખુલાસાઃ માંસાહારની ફરજ પડાઈઃ પ્રજનનક્ષમતા અંગે મજાક ઉડાવાતી હતી
મુંબઈ - નાસિકના ટીસીએસ યુનિટમાં જાતીય સતામણી અને બળજબરીથી ધર્માંતરણ કેસમાં ઝડપાયેલા ચાર આરોપીઓએ કથિત રીતે ૩૫ વર્ષીય પુરુષ સાથીદારને મુસ્લિમ ધામક ટોપી પહેરવા અને નમાઝ પઢવા માટે દબાણ કર્યું હતું, પોલીસે શુક્રવારે કોર્ટને તેમની કસ્ટડી માંગતી વખતે જણાવ્યું હતું.
મેજિસ્ટ્રેટ કોર્ટે આ કેસમાં તૌસિફ અત્તાર (૩૬), દાનિશ શેખ (૩૨), શાહરૃખ કુરેશી (૩૪) અને રઝા રફીક મેમણ (૩૫)ને ૨૯ એપ્રિલ સુધી પોલીસ કસ્ટડીમાં મોકલી દીધા છે.
મુંબઈનાકા પોલીસ સ્ટેશનમાં નોંધાયેલા કેસમા ન્યાયિક કસ્ટડીમાં રહેલા આરોપીઓને પોલીસે ૨૩ એપ્રિલના રોજ નવેસરથી ધરપકડ કરી હતી અને શુક્રવારે કોર્ટમાં રજૂ કરવામાં આવ્યા હતા. સિનિયર એનાલિસ્ટ તરીકે કામ કરતા પુરુષ સાથીદાર દ્વારા દાખલ કરવામાં આવેલી ફરિયાદના આધારે આ કેસ દાખલ કરવામાં આવ્યો હતો.
શેખ અને અન્ય ત્રણ આરોપીઓ પર ધામક લાગણીઓ ભડકાવવા અને ગુનાહિત ધાકધમકી આપવા બદલ ભારતીય ન્યાય સંહિતા (બીએનએસ)ની સંબંધિત જોગવાઈઓ હેઠળ કેસ દાખલ કરવામાં આવ્યો હતો.
ફરિયાદી મુજબ આરોપી તેમની ધામક માન્યતાઓને નિશાન બનાવતો હતો અને હિન્દુ દેવતાઓ વિશે અપમાનજનક ટિપ્પણીઓ કરતો હતો. એક પ્રસંગે તેઓએ તેમને મુસ્લિમ ટોપી પહેરવા અને નમાઝ પઢવા માટે દબાણ કર્યું હતું, અને તેનો વીડિયો કર્મચારીઓના વોટ્સએપ ગુ્રપ પર શેર કરવામાં આવ્યો હતો, એમ ફરિયાદમાં જણાવાયું છે.
પોલીસે કોર્ટને જણાવ્યું હતું કે, ધર્માંતરણના પ્રયાસના ભાગ રૃપે ફરિયાદીને માંસાહારી ખોરાક ખાવાની પણ ફરજ પાડવામાં આવી હતી.
વધુમાં આરોપીએ કથિત રીતે હિન્દુ મહિલાઓ, ફરિયાદીની પત્ની અને દંપતીની બાળકો પેદા કરવામાં અસમર્થતા વિશે અશ્લીલ ટિપ્પણીઓ કરી હતી, એમ રિમાન્ડ અરજીમાં જણાવાયું છે.
પોલીસે જણાવ્યું હતું કે, તેઓએ ફરિયાદીને તેમનું કામ કરાવવા માટે દબાણ કરવા માટે તેમના હોદ્દાનો ઉપયોગ કર્યો હતો અને મુખ્ય કાર્યાલયને બનાવટી કામગીરી અહેવાલો મોકલ્યા હતા.
પોલીસે જણાવ્યું હતું કે ઝઘડા દરમિયાન બે આરોપીઓએ ફરિયાદી પર ઓફિસનો ટેબલ ફેન ફેંક્યો હતો અને તેમને જાનથી મારી નાખવાની ધમકી આપી હતી.
ફરિયાદ પક્ષે જણાવ્યું હતું કે પુરાવા એકત્રિત કરવા, સાથીદારો શોધવા અને ફરિયાદીને કાળા જાદુની સલાહ આપવામાં આવી રહી હોવાના દાવાઓની ચકાસણી કરવા માટે તેમની કસ્ટોડિયલ પૂછપરછ જરૃરી હતી.
પોલીસની એક વિશેષ તપાસ ટીમ સોફ્ટવેર જાયન્ટના નાસિક બીપીઓ યુનિટમાં કથિત જાતીય શોષણ અથવા ઉત્પીડન, બળજબરીથી ધર્માંતરણના પ્રયાસો, ધામક લાગણીઓને ઠેસ પહોંચાડવા, છેડતી અને માનસિક ઉત્પીડનના કુલ નવ કેસોની તપાસ કરી રહી છે.
અત્યાર સુધીમાં એક મહિલા એચઆર મેનેજર સહિત આઠ કર્મચારીઓની ધરપકડ કરવામાં આવી છે.
