જ્યુવેનાઈલ જસ્ટિસ બોર્ડનો આદેશ
સગીરના ઉદ્યોગપતિ પિતાને અગાઉ સેશન્સ કોર્ટે દ્વારા જામીન મંજૂર
મુંબઈ, - ગયા મહિને વિદ્યાવિહાર ખાતે સૌમયા કોલેજ પાસે થયેલા અકસ્માત મૃત્યુ સંબંધી કેસમાં સગીરને જ્યુવેનાઈલ કોર્ટે શુક્રવારે જામીન મંજૂર કર્યા છે. સગીર કાર ચલાવતો હતો ત્યારે અકસ્માત થયો હતો જેમાં ૩૩ વર્ષિય ધુ્રમલ પટેલનું મોત થયું હતું. સેશન્સ કોર્ટે સગીરના બિઝનેસમેન પિતાને બે દિવસ પૂર્વે જામીન મંજૂર કર્યા હતા હવે પુત્રને પણ જામીન મળ્યા છે. પીડિતનો પરિવાર આદેશને હાઈ કોર્ટમાં પડકારવાનો વિચાર કરે છે.
સગીર પુત્ર દ્વારા થયેલા જીવલેણ કાર અકસ્માતના સંબંધમાં ધરપકડ કરાયેલા એક ઉદ્યોગપતિને જામીન આપ્યા હતા અને નોંધ્યું છે કે પિતાને પુત્ર વાહન ચલાવવા માટે બહાર લઈ ગયો હોવાની કોઈ જાણકારી નહોતી.
એડિશનલ સેશન્સ જજ આર.એમ. જાધવે બુધવારે ૫૦,૦૦૦ રૃપિયાના બોન્ડ પર તેમના જામીન મંજૂર કર્યા હતા અને મુખ્યત્વે તે બિલ્ડિંગના ચોકીદારના નિવેદન પર આધાર રાખ્યો હતો જ્યાં ઉદ્યોગપતિ રહે છે. આ અકસ્માત ૫ ફેબુ્રઆરીના રોજ મુંબઈના ઘાટકોપરના વિદ્યાવિહાર વિસ્તારમાં સોમૈયા કોલેજ પાસે થયો હતો.
પોલીસના જણાવ્યા મુજબ, ઉદ્યોગપતિનો સગીર પુત્ર કિયા સેલ્ટોસ ચલાવી રહ્યો હતો ત્યારે તે સ્કૂટર સાથે અથડાઈ ગયો, જેના કારણે તેના સવાર ધુ્રમિલ પટેલનું મૃત્યુ થયું હતું જ્યારે પાછળ બેઠેલી મૃતકની પત્ની મીનલ અકસ્માતમાં ગંભીર ઈજાઓ થઈ હતી.
છોકરાના પિતાની ૧૦ ફેબુ્રઆરીના રોજ ધરપકડ કરવામાં આવી હતી અને ભારતીય ન્યાય સંહિતા હેઠળ બેફામ વાહન ચલાવવા, હત્યા ન ગણાતા ગુનાહિત હત્યા, અન્ય લોકોના જીવન અને સલામતીને જોખમમાં મૂકતા કૃત્ય, તેમજ મોટર વાહન અધિનિયમની સંબંધિત કલમો હેઠળ ગુનો નોંધવામાં આવ્યો હતો.
આરોપીએ પોતાના વકીલ મનીષ સિંહ દ્વારા કોર્ટમાં દલીલ કરી હતી કે તે અકસ્માત સ્થળે હાજર નહોતો કે સંબંધિત સમયે વાહન ચલાવતો નહોતો.
ઉદ્યોગપતિએ દાવો કર્યો હતો કે તેમને અકસ્માતના દિવસે તેમના પુત્ર દ્વારા વાહન લઈ જવાની કોઈ જાણ નહોતી અને તેઓ આ જીવલેણ અકસ્માત માટે જવાબદાર નથી.
સરકારી વકીલ પીબી બાંકરે જામીન અરજીનો વિરોધ કર્યો, અને દલીલ કરી કે સગીર પાસે માન્ય લાઇસન્સ નથી તે જાણતા હોવા છતાં પિતાએ તેમના પુત્રને વાહન ચલાવવાની મંજૂરી આપી હતી.
પીડિત પરિવારના વકીલે મધ્યસ્થી વતી હાજર રહીને જણાવ્યું હતું કે સગીર એક ઇન્સ્ટાગ્રામ એકાઉન્ટ ચલાવતો હતો જેમાં બેદરકારીથી ડ્રાઇવિંગ સ્ટંટ દર્શાવવામાં આવતા હતા.
તે માણસને આ હકીકતની જાણ હતી, છતાં તેણે પોતાના પુત્રને એસયુવી ચલાવવાની મંજૂરી આપી. તેથી, પ્રથમ દ્રષ્ટિએ તેની સામે ગુનો નોંધાયો, એમ તેમણે ઉમેર્યું.
વકીલે રજૂઆત કરી હતી કે આરોપીએ કેસનું સમાધાન કરવા માટે પીડિતાના પરિવારને ૪૦ લાખ રૃપિયાની ઓફર કરી હતી અને દાવો કર્યો હતો કે સગીરના ઇન્સ્ટાગ્રામ ઇતિહાસ સાથે છેડછાડ કરવામાં આવી હતી.
બધા પક્ષોને સાંભળ્યા પછી, એડિશનલ સેશન્સ જજ જાધવે જામીન આપતી વખતે ઉદ્યોગપતિના મકાનના ચોકીદારના નિવેદન પર આધાર રાખ્યો હતો.
કોર્ટે નોંધ્યું કે રાત્રે ૧૦.૧૫ વાગ્યે (અકસ્માતના દિવસે) કિશોર આરોપી ચોકીદાર પાસે ગયો અને કારની ચાવીઓ માંગી (જે તે સમયે ચોકીદાર પાસે હતી). ચોકીદારે દાવો કર્યો કે કિશોરની પૂછપરછ કર્યા વિના, તેણે ચાવીઓ સગીરને આપી દીધી કારણ કે તે આરોપીનો પુત્ર હતો, કોર્ટના આદેશમાં જણાવાયું છે.
બાદમાં જ્યારે પિતા નીચે આવ્યા અને જોયું કે તેમની કાર પાકગમાં નથી, ત્યારે તેમણે ચોકીદારને પૂછયું, અને તેમને ખબર પડી કે વાહન તેમના પુત્રએ લઈ લીધું છે, એમ અહેવાલમાં જણાવાયું છે.
પ્રાથમિક દ્રષ્ટિએ, રેકોર્ડ પરની સામગ્રી દર્શાવે છે કે અરજદાર/આરોપી એ હકીકતથી વાકેફ ન હતા કે ઘટના સમયે તેમના પુત્રએ વાહન લીધું હતું જે અહીં નોંધવું જરૃરી છે,એમ કોર્ટે કહ્યું.
કોર્ટે ઉદ્યોગપતિને તેની પરવાનગી વિના મુંબઈ ન છોડવાનો અને કેસના સાક્ષીઓને પ્રભાવિત કરવાનો કોઈપણ પ્રયાસ કરવાથી દૂર રહેવાનો નિર્દેશ આપ્યો હતો.
