Mumbai
દીપિકાનો વિશ્વની સૌથી પ્રભાવશાળી 90 મહિલાઓમાં સમાવેશ
સેલેના ગોમેઝ, એન્જલિના જોલી સાથે લિસ્ટમાં સામેલ
હોલીવૂડ વોક ઓફ ફેમ પછી બીજું આંતરરાષ્ટ્રીય સન્માન મળ્યુું
મુંબઇ - દીપિકા પદુકોણે વિશ્વભરમાં પ્રભાવ સર્જનારી ૯૦ મહિલાઓની યાદીમાં સ્થાન મેળવ્યું છે. આ યાદીમાં સેલેના ગોમેઝ, એન્જલિના જોલી સહિતની અભિનેત્રીઓ સામેલ છે.
'ધી શિફ્ટ' દ્વારા એક્ટિવિઝિમ, રચનાત્મકતા, લીડરશીપ અને કલ્ચરલ ઈમ્પેકટની રીતે પ્રભાવ સર્જનારી મહિલાઓની આ યાદી તૈયાર કરી છે.
દીપિકાએ પોતે સોશિયલ મીડિયા પર આ લિસ્ટમાં પોતાના સમાવેશની વાત શેર કરી હતી. દીપિકો લખ્યું હતું કે વ્યવસાયિક સફળતા ઉપરાતં માનસિક સ્વાસ્થય માટે તેણે કરેલી પ્રેરણારુપ કામગીરી બદલ તેનો આ યાદીમાં સમાવેશ કરાયો છે.
દીપિકા માટે આ વધુુ એક આંતરરાષ્ટ્રીય સન્માન છે. થોડા સમય પહેલાં તેણે હોલીવૂડ વોક ઓફ ફેમમાં સ્થાન મેળવ્યું હતું.
