શૈક્ષણિક સંસ્થાઓને મ્યુ. શાળા દત્તક અપાશેે
એક વર્ગમાં ખાનગી શાળા તથા મ્યુનિ.ના અડધા અડધા વિદ્યાર્થીઓને પણ સમાવાશે
મુંબઈ - મીરા-ભાયંદર મ્યુનિસિપલ કોર્પોરેશને તેની શાળાઓમાં સીબીએસઈ બોર્ડ શરૃ કરવાનો નિર્ણય લીધો છે. આ માટે બજેટમાં નોંધપાત્ર જોગવાઈ કરવામાં આવી છે.
મીરા-ભાયંદર મ્યુનિસિપલ કોર્પોરેશનમાં ૩૬ શાળાઓ છે જેમાં સાડા નવ હજારથી વધુ વિદ્યાર્થીઓ અભ્યાસ કરે છે. હવે મ્યુનિસિપલ કોર્પોરેશને તેની શાળાઓમાં સીબીએસઈ અભ્યાસક્રમ શરૃ કરવાનો મહત્વપૂર્ણ નિર્ણય લીધો છે.
આ ઉપરાંત, પચાસ ટકા ખાનગી વિદ્યાર્થીઓ અને મ્યુનિસિપલ શાળાઓના પચાસ ટકા વિદ્યાર્થીઓને એક વર્ગમાં સમાવવાનો એક નવીન પ્રયોગ અમલમાં મૂકવામાં આવશે. આ સિવાય શૈક્ષણિક સંસ્થાઓ દ્વારા શાળાઓ દત્તક લેવાનો એક નવીન પ્રયોગ પણ અમલમાં મૂકવામાં આવશે.
