મોટી બહેનના મૃત્યુ બાદ બાળકીને સારસંભાળ માટે નાની બહેન ઘરે લાવી હતી
મુંબઈ - મોટી બહેનના મૃત્યુબાદ સારસંભાળ માટે તેની સગીર પુત્રીને નાની બહેનના ઘરે રાખવામાં આવી હતી. પરંતુ સાળીની દસ વર્ષની બાળકી પર તેના માસાએ નજર બગાડીને તેના પર બળાત્કાર કર્યો હતો. કોર્ટે આરોપીને ૨૫ વર્ષની સખત મજૂરી અને અકે લાખના દંડની સજા સંભળાવી હતી. આ કેસમાં આરોપીની ફરિયાદી પત્ની ફરી ગયા બાદ પણ વિશેષ કોર્ટે પીડિતાની તરફેણમાં ચુકાદો આપ્યો હતો.
દંડની રકમ પીડિતાને આપવી તથા દંડ નહીં ભરતાં એક વર્ષનો વધુ જેલવાસ ભોગવવો પડશે, એમ કોર્ટે ચુકાદામાં જણાવ્યું હતું. આ ઘટના ૨૦૧૮થી ૨૦૨૧ દરમ્યાન બની હતી. આ કેસમાં આરોપીની પત્નીએે હિંજવડી પોલીસ સ્ટેશનમાં ફરિયાદ કરાઈ હતી. આરોપીનો ગુનો ગંભીર હોઈ તેને મહત્તમ સજા આપવાની માગણી કરવામાં આવી હતી. કોર્ટે તેને મંજૂર કરીને ૨૫ વર્ષની સખત જેલની સજા સંભળાવી હતી.
