3.2 લાખ રુપિયાની રોકડ ભરેલી બેગ પ્રવાસીને પરત કરાઈ

પાલઘર જીઆરપીની ઝડપી કાર્યવાહી

ચર્ચગેટ જતી ટ્રેનમાં બેગ ભૂલી પ્રવાસી નીચે ઊતરી ગયો, સફાળે સ્ટેશને બેગ પાછી મળી

મુંબઈ -  પાલઘર જિલ્લાના સરકારી રેલવે પોલીસ (જીઆરપી) કર્મચારીએ ૩.૨ લાખ રુપિયાની રોકડવાળી બેગ શોધી કાઢી તેના મૂળ માલિકને પરત કરી હતી. આ બેગ પ્રવાસી લોકલ ટ્રેનમાં ભૂલી ગયો હતો. 

જીઆરપીના એક અધિકારીના જણાવ્યાનુસાર, શુક્રવારે સવારે ૮ વાગ્યે ચર્ચગેટ જતી ટ્રેનમાંથી ઉતરતી વખતે અભિષેક શુક્લા (૩૦) તેની બેગ ટ્રેનમાં જ ભૂલી ગયો હતો. ઘટનાની જાણ થતાં જ તેણે તુરંત પોલીસ કંટ્રોલ રુમનો સંપર્ક કર્યો હતો.

સફાળે રેલવે સ્ટેશન પર કાર્યરત જીઆરપીને આ બાબતે જાણ કરાઈ હતી. આથી ટ્રેન ત્યાં પહોંચતાં જ તેઓ બેગ પાછી મેળવવામાં સફળ રહ્યા હતા. ત્યારબાદ યોગ્ય પ્રક્રિયા કરી બેગ શુક્લાને પરત કરવામાં આવી હતી. આ તાત્કાલિક કાર્યવાહી માટે તેણે પોલીસનો આભાર માન્યો હતો.