રાજ્યમા પાલતુ પ્રાણી માટેની પ્રથમ સ્મશાન ભૂમિ નવઘરમાં

ભાયંદરના નવઘર ગામમાં એક અલગ ઇલેક્ટ્રિક સ્મશાનભૂમિ કાર્યરત થઈ

મુંબઈ -  પાલતુ પ્રાણીઓના અગ્નિસંસ્કારની સુવિધા માટે ભાયંદરના નવઘર ગામમાં એક અલગ ઇલેક્ટ્રિક સ્મશાનભુમિ બનાવવામાં આવ્યું છે. મહાનગરપાલિકાનો દાવો છે કે આ રાજ્યનું પ્રથમ મહાપાલિકા પ્રશાસન છે જે પ્રાણીઓના અગ્નિસંસ્કાર માટે સુવિધા પૂરી પાડે છે.

મીરા-ભાયંદરમાં મોટી સંખ્યામાં શ્વાન, બિલાડીઓ અને પ્રાણીઓ મુક્તપણે ફરે છે. આ પ્રાણીઓને નિયંત્રિત કરવા માટે, મહાનગરપાલિકાએ ઉત્તન ખાતે એક નસબંધી કેન્દ્ર સ્થાપ્યું છે. આ ઉપરાંત, સારવાર માટે એક ક્લિનિક પણ સ્થાપવામાં આવ્યું છે. જો કે, પ્રાણીઓ મૃત્યુ પામે તો તેનો નિકાલ કરવાની કોઈ સુવિધા ઉપલબ્ધ નહોતી. આ કારણે, મૃત પ્રાણીઓના અગ્નિસંસ્કારમાં મુશ્કેલીઓ ઊભી થઈ રહી હતી.

આ માટે, મહાનગરપાલિકા દ્વારા પાલતુ પ્રાણીઓના અગ્નિસંસ્કાર માટે અલગ સુવિધા પૂરી પાડવાનો નિર્ણય લેવામાં આવ્યો હતો.  તે મુજબ, મુર્ધા ગામ અને ભાયંદરના નવઘર ગામમાં ઇલેક્ટ્રિક સ્મશાનભુમિ સ્થાપવાનું કામ હાથ ધરવામાં આવ્યું છે. આમાં, સોમવારે નવઘર સ્મશાનભુમિનું ઉદ્ઘાટન કરવામાં આવ્યું હતું અને ઉપયોગ માટે ખુલ્લું મૂકવામાં આવ્યું હતું.

રાજ્યભરમાં અમલમાં મુકવામાં આવનારી પ્રવૃત્તિઓ..

વિવિધ શહેરોમાં ઘન કચરા પ્રોજેક્ટ સ્થળોએ પેઇડ સ્મશાનગૃહ સ્થાપવાનો નિર્ણય લેવામાં આવ્યો છે જેથી પાલતુ પ્રાણીઓના અંતિમ સંસ્કાર કરી શકાય. આ સંદર્ભમાં મહાનગરપાલિકાઓને જાણ કરવામાં આવી છે અને આ સંદર્ભમાં સરકારી આદેશ પણ જાહેર કરવામાં આવ્યો છે.