વિશ્વનો સૌથી મોટો સ્નો પાર્ક

દુબઈના વિશાળ મોલ ઓફ એમિરેટ્સમાં 'સ્કી દુબઈ' નામનો એકમાત્ર 'ઇન્ડોર સ્કી રિસોર્ટ' છે. આ આખો વિસ્તાર અહીં બંધ સ્ટેડિયમમાં બરફથી છવાયેલો છે. સ્કીંઈગ માટે ૬ મીટરના ઢોળાવવાળો ૪૦૦ મીટરનો ટ્રેક છે. તો વળી બાળકો માટે વિશ્વનો સૌથી મોટો ૩૦૦૦ સ્કવેર મીટરનો ઇન્ટરએક્ટિવ સ્નો પાર્ક પણ છે. આટલું જ નહીં, વોટરપાર્ક જેવી સ્નો સ્લાઈડિંગ રાઈડ્સ પણ ભરપૂર મનોરંજન આપે છે. બરફના બનાવેલા પેંગ્વિન તેમજ ડ્રેગન્સ સૌનું મન મોહી લે છે. આ સિવાય અહીં સપ્તરંગી લાઈટિંગ અને ઝૂલતો પુલ પણ બધાને આકર્ષે છે.