TV TALK .

દિવ્યાંકા-વિવેકને ચાલીસીમાં પેરેન્ટ્સ બનવાનો ડર નથી

ટીવી ઇન્ડસ્ટ્રીનું જાણીતું કપલ દિવ્યાંકા ત્રિપાઠી અને વિવેક દહિયા લગ્નના છેક ૧૦ વરસ બાદ પેરેન્ટસ બનવાના છે. દિવ્યાંકા જુનમાં પોતાના પહેલા બાળકને જન્મ આપશે. લોકપ્રિય ટીવી સીરિયલ 'યે હૈ મોહબ્બતેં'ના સેટ પર મળ્યા બાદ એમનો પ્રેમ શરૂ થયો અને બંને ૨૦૧૬માં પરણી ગયા હતા. ત્યારથી બંનેએ જોયેલું મમ્મી-ડેડી બનવાનું સપનું છેક હવે પુરું થવા જઈ રહ્યું છે.

લગ્નના એક વરસ બાદ ૨૦૧૭માં ડાન્સ રિયાલિટી શો 'નચ બલિયે ૮'નું વિજેતા બનેલું આ યુગલ ચાલીસીની વયમાં વાલી બનવા જઈ રહ્યું છે. વિવેક અને દિવ્યાંકા બંને ૪૧ વરસના છે. સામાન્યપણે દંપતિ ચાલીસીમાં પેરેન્ટસ બનતા ખચકાય છે અને એમને એક પ્રકારનો ડર રહે છે. દિવ્યાંકા એક મીડિયા ઇન્ટરવ્યુમાં આવા ભયને અસ્થાને ગણાવતા કહે છે, 'મા-બાપ બનવા માટે તમને તમારી ઉંમરનો ડર ન લાગવો જોઈએ. એને તમારી ખુશીની વચ્ચે ન આવવા દો. ઉલ્ટાની વય તમારા માટે એક શક્તિનો સ્ત્રોત બની રહેવી જોઈએ. યાદ રહે કે આ ઉંમરમાં તમે તમારા દેહને વધુ સારી રીતે સમજી શકો છો. એ તમારા માટે એક મહત્ત્વનું ફેક્ટર બની રહે છે.' 

અશ્નુર કૌર : અભિષેક અને હું તો સારા મિત્રો છીએ...

'બિગ બોસ' પછી નવી મહત્ત્વાકાંક્ષા તરફ આગળ વધતાં અભિનેત્રી અશ્નુર કૌર કહે છે, 'બિગ બોસ'માં મારો તાજેતરનો કાર્યકાળ વ્યૂહરચના વિશે ઓછો અને કમ્ફર્ટ ઝોનમાંથી બહાર નીકળવા વિશે વધુ હતો.

અમે હજુ પણ ખૂબ સારા મિત્ર છીએ. અમે હંમેશા સ્પષ્ટ રહ્યા છીએ કે અમે ખૂબ જ શુધ્ધ, કિમતી બંધન શેર કરીએ છીએ. ચાહકો ક્યારેક વસ્તુઓની કલ્પના કરે છે અને અનેકવિધ વિચાર વ્યક્ત કરે છે, પરંતુ તે તેમની પ્રેમ દર્શાવવાની રીત પણ છે. તેમણે હંમેશા આપણી સીમાઓનું સન્માન કર્યું છે, એમ તે ઉમેરે છે.

૨૧ વર્ષીય આ અભિનેત્રી ઉમેરે છે, રોમાન્સ તેની પ્રાથમિકતાની યાદીમાં નથી. અત્યારે મારા જીવનનો આ તબક્કો કામ માટે વિશેષ મહત્ત્વ ધરાવે છે. મારા ઘણાં લક્ષ્યો અને સ્વપ્ન છે, જેના માટે હું સક્રિયપણે કામ કરી રહી છું. પ્રેમ ગમે ત્યારે થઈ શકે છે, પરંતુ તે એવી વસ્તુ નથી જે હું શોધી રહી છું. વ્યાવસાયિક રીતે અશ્નુર કહે છે કે તે એક અભિનેત્રી તરીકે એક એવો અભિગમ અપનાવી રહી છે અને પ્રોજેક્ટ્સ કાળજીપૂર્વક પસંદ કરી રહી છે. હું મજબૂત વાર્તાઓ અને પ્રદર્શનલક્ષી ભૂમિકા શોધી રહી છું. જ્યાં એક કલાકાર તરીકે મારા ઊંડાણને શોધી શકું. પહેલા ટેલિવિઝન માટે ઘણી પ્રતિબધ્ધતાની જરૂર રહેતી, પણ હવે પ્લેટફોર્મ્સ વચ્ચે વધુ ગતિશીલતા છે.  

માનસી : કેવા પ્રકારની ભૂમિકા મળશે એ કંઈ કોન્ટેક્ટ લેન્સ નક્કી ન કરી શકે!

'મૈં હું સાથ તેરે' અને 'પવિત્ર રિસ્તા' સહિત સતત ચાર ટીવી શોમાં નકારાત્મક ભૂમિકા ભજવનારી અભિનેત્રી માનસી શ્રીવાસ્તવે હવે એવી ભૂમિકાથી પાછળ હઠવાનો સભાન નિર્ણય કર્યો છે. આ ઝડપથી ટાઈપકાસ્ટ થતી ઇન્ડસ્ટ્રીમાં તેણે પોતાને પુનરાવર્તન કરવાને બદલે સકારાત્મક ભૂમિકા માટે રાહ જોવાનું પસંદ કર્યું છે અને તે પણ લગભગ એક વર્ષ પછી! માનસી 'લક્ષ્મી નિવાસ' સાથે પાછી ફરી. શરૂઆતમાં તેણે નકારાત્મક ભૂમિકા માટે ઓડિશન આપ્યા કર્યું હવે માનસી કહે છે, મને રસ પડયો નકારાત્મક પાત્રો ભજવવાનો, પરંતુ ગયા વર્ષ પછી હું એવા તબક્કામાં પહોંચી ગઈ હતી, જ્યાં હું સકારાત્મક ભૂમિકાઓ પર પાછા ફરવા માગતી હતી. ઘણું નકારાત્મક ભૂમિકા ભજવ્યા પછી પાછા ફરવું મુશ્કેલ હોય છે. મેં કાસ્ટિંગ ડિરેક્ટર્સને વિનંતી કરી હતી કે તેઓ મને માત્ર સકારાત્મક ભૂમિકાઓ માટે જ ઓડિશન આપવાનું ફરી શરૂ કરે અને આ શોમાં પણ મેં એક સકારાત્મક ભૂમિકા માટે ઓડિશન આપ્યું છે. જો કે ચેનલે નિર્માતાઓને રેવતી માટે મારો ટેસ્ટ લેવા કહ્યું, જે એક સકારાત્મક પાત્ર છે, તે નસીબનો એક વળાંક જ છે. આ સાથે જ મને આનંદ છે કે કોઈએ મારા ચહેરા પર સકારાત્મકતા નિહાળી.

વર્ષોથી તેની લીલી આંખો ઘણીવાર તેને પડદા પર કેવી રીતે જોવામાં આવે છે તેના પર પ્રભાવ પાડયો અને તે બન્યું હતું કારકિર્દીની શરૂઆતમાં! તેણે મુખ્ય મહિલાની પરંપરાગત અપેક્ષાને પૂર્ણ કરવા માટે કલરફૂલ લેન્સ પહેર્યા હતા. માનસી યાદ કરે છે કે, મેં શરૂઆતમાં બ્રાઉન લેન્સ પહેર્યા હતા કારણ કે મને લાગ્યું હતું કે તે મુખ્ય ભૂમિકા માટે વિચારણાની મારી શક્યતાને સુધારશે.  

જો કે માનસી તેની વ્યાવસાયિકતા વહેવારુતા વિશે વાસ્તવિક અભિગમ ધરાવે છે. નાણાંકીય સુરક્ષા મહત્ત્વની છે. ક્યારેક મને લાગે છે કે મારે એમબીએ કરવું જોઈએ અને નિશ્ચિત પગાર સાથે કોર્પોરેટ નોકરી કરવી જોઈએ, પરંતુ મેં અભિનય પસંદ કર્યો. મને સેટ પર રહેવું ગમતું હતું. જો કે આખરે તમને ખ્યાલ આવે છે કે તમારે પાછા ફરવાની અને દ્રશ્યમાં રહેવાની જરૂર છે, એમ તેણે ઉમેર્યું હતું.