વડોદરા,તા.3 ફેબ્રુઆરી 2020, સોમવાર
વડોદરામાં પાણીની વધતી જતી ડિમાન્ડ સામે પાણી પુરવઠો સુદ્રઢ કરવા માટે વડોદરા મ્યુનિસિપલ કોર્પોરેશન દ્વારા આજવાથી ૬૦ ઇંચ ડાયામીટરનો વ્યાસ ધરાવતી મોટી લાઇન નાખવાની છે.
આ કામગીરી રૃા.૭૧ કરોડના ખર્ચે થવાની છે. અને આ માટેનું ટેન્ડર પણ બહાર પડી ગયું છે, તેમ સ્થાયી સમિતિના અધ્યક્ષનું કહેવું છે. તેમણે વધુમાં કહ્યું હતું કે આ માટે ૫૦ એમએલડી ક્ષમતાનો પાણીનો ફિલ્ટર પ્લાન્ટ પણ ઉભો કરવામાં આવશે. આ ઉપરાંત આજવા રોડ નેશનલ હાઇવેથી સોમાતળાવ થઇ લાલબાગ સુધી નવી પાણીની લાઇનની કામગીરી હાથ ધરવામાં આવશે. જ્યારે જાંબુડિયાપુરા (બાપોદ)માં પાણીની નવી ઓવરહેડ ટાંકીનું આયોજન હાથ ધરાયું છે.
