અમરાઇવાડીમાં મામાએ પોર્ન વિડિયો બતાવી ભાણી સાથે દૂષ્કર્મ આચર્યું

અમદાવાદ,સોમવાર 

અમરાઇવાડીમાં ધરમનો ભાઇ પોર્ન વિડિયો બતાવીને ભાણી સાથે શારિરીક છેડછાડ કરતો હતો એટલું જ નહી સગીરાને ધાક ધમકી આપીને તેણીની સાથે દૂષ્કર્મ આચર્યું હતું. આ બનાવ અંગે અમરાઇવાડી પોલીસે પડોશમાં રહેતા આરોપીની ધરપકડ કરી વધુ તપાસ હાથ ધરી છે.

ધરમનો ભાઇ  કોઇ ન હોય ત્યારે ઘરે જઇ બિભત્સ વિડિયો  દેખાડી સગીરાને શારિરીક અડપલા કરતો હતો 

આ કેસની વિગત એવી છે  કે અમરાઇવાડી વિસ્તારમાં મહારાષ્ટ્રની મહિલા પતિ અને પોતાના ત્રણ સંતાનો સાથે રહેતી હતી  અને પતિ-પત્ની બન્ને છૂટક મજૂરી કરીને પરિવારનું ગુજરાન ચલાવતા હતા. થોડા સમય પહેલા તેમના પડોશમાં દિપક પ્રજાપતિ નામનો યુવક રહેવા આવ્યો હતો મહિલા સાથે સારુ બનતું હોવાથી બહેને તેને ધરમનો ભાઇ બનાવ્યો હતો. બાદમાં બન્ને વચ્ચે પારિવારીક સબંધો કેળવાયા હતા.

ધરમનો ભાઇ દિપક પ્રજાપતિ ધર્મની  બહેન અને તેનો પતિ મજૂરી કામે જતા હતા ત્યારે તેમના ઘરે જતો હતો અને સાત વર્ષની ભાણીને પોર્ન વિડિયો બતાવીને શારિરીક છેડછાડ કરતો હતો. બે દિવસ પહેલા સગીર ભાણીને પોર્ન વિડિયો દેખાડયા પછી તેણીની સાથે દૂષ્કર્મ આચર્યું હતું, જો કે સગીરા એકલી ઘરમાં  સૂનમૂન રહેતી હતી અને ડરના માર્યો રડતી હતી જેથી માતાએ તેણીને વિશ્વાસમાં લઇને પૂછપરછ કરતા ધર્મના ભાઇએ  તેની સાથે દૂષ્કર્મ કર્યુ હોેવાની વાત કરતાં માતાએ દિપક પ્રજાપતિ સામે અમરાઇવાડી પાલીસ સ્ટેશનમાં ફરિયાદ કરતાં પોલીસે તેની સામે  છેડતી અને પાક્સો કલમ હેઠળ ગુનો નોંધીને તેની ધરપકડ કરી વધુ તપાસ હાથ  ધરી છે.