બોરસદમાંથી બે શખ્સ પકડાયા, પાંચ ફરાર
૩ ગુનાના ભેદ ઉકેલાયા, બેટરીઓ, કાર,ડાલુ સહિત રૂપિયા ૬.૧૨ લાખનો મુદ્દામાલ જપ્ત
પોલીસે બાતરમી આધારે બરકતબેગ અબ્દુલસમદ મિરઝા (રહે. બોરસદ,ફતેપુર, હુશેની સોસાયટી, તા.બોરસદ) સોપારીવાળાની ખરી પાછળ આવેલા ભંગારના પીઠાની પાછળ ચોરી કરેલી બેટરીઓ વેચાણ રાખી સંતાડી રાખી છે. જેની બાતમીના આધારે પોલીસે તપાસ હાથ ધરી છે. પોલીસે જુદી-જુદી કંપનીની ૪૭ બેટરીઓ મળી આવી હતી.
આ બેટરીઓ કોણે આપી છે. તે બાબતે પૂછપરછ કરતા ખાલીદ અબ્દુલસલામ મુસાભાઇ હુરી( મૂળ રહે. ગોધરા, બ્ટુક પ્લોટ, સિગ્નલ ફળીયું, મહેબુબ મસ્જિદની સામેતા. તા. ગોધરા, હાલ રહે. લાલગેટ, સુરત) બેટરી આપી હોવાની કબુલાત કરી હતી. પોલીસે બંને આરોપીને પકડી પાડયા હતા. પોલીસે ૨.૬૨ લાખની ૪૭ બેટરીઓ, ચોરીના ઉપયોગ કરેલા બે વાહન સહિત ૬.૧૨ લાખનો મુદ્દામાલ કબજે કર્યો છે. બોરસદ ટાઉન પોલીસ સ્ટેશન, વાસદ પોલીસ સ્ટેશન અને કઠલાલ પોલીસ સ્ટેશનના નોંધાયેલા બેટરી ચોરીના ગુનાનો ભેદ ઉકેલાયો હતો. જયારે મુખ્ય આરોપી ખાલીદ અબ્દુલસલામ મુસા હુરી સામે ચરોતર, ઉત્તર ગુજરાત સહિત રાજ્યમાં અલગ અલગ દસ ગુનાનો નોંધાયા છે.
પકડવાના આરોપીઓ
અફજલ ઉર્ફે કારો મહેબુબ ચાંદલીયા, શાહનવાઝ શેખ, ફુરકાન ઉર્ફે ચમેલી સીરાજ પટેલ, વાહીદ સીરાજ પટેલ, ખાલી ઉર્ફે ડોંગલી યાકુબ ચરખાત (તમામ રહે. ગોંધરા, જિ. પંચમહાલ) ૨
