વડોદરામાં આગામી તા.૫મીએ યોજાનારી બીજા તબક્કાની ચૂંટણી દરમિયાન શાંતિ જળવાય તે માટે શહેર પોલીસ કમિશનર દ્વારા કાયદો અને વ્યવસ્થાને અનુલક્ષીને બંદોબસ્તની સ્કીમ તૈયાર કરવામાં આવી રહી છે.

શહેરના સંવેદનશીલ વિસ્તારોમાં અર્ધલશ્કરી દળોને તૈનાત કરવામાં આવી રહ્યા છે.જ્યારે,સીસીટીવી કેમેરા સહિતની ટીમો પણ કામે લગાવવામાં આવી રહી છે.આ ઉપરાંત સ્થાનિક પોલીસ નાકાબંધી પણ કરી રહી છે.

શહેર પોલીસે અસામાજિક તત્વો સામે ઝુંબેશ ઉપાડતાં દારૃના રોજ  ૫૦ થી વધુ કેસો કરવામાં આવી રહ્યા છે.જ્યારે,માથાભારે તત્વોને રાઉન્ડ અપ કરવાની પણ કામગીરી ચાલી રહી છે.