Gujarat
ધંધૂકા, વિરમગામ, દેત્રોજમાં વરસાદી છાંટા પડયા
અમદાવાદ,તા.24 જુલાઇ 2020, શુક્રવાર
અમદાવાદ જિલ્લામાં શુક્રવારે ધંધૂકા, વિરમગામ અને દેત્રોજમાં વરસાદી છાંટા પડયા હતા. ધંધૂકા, વિરમગામમાં ૬-૬ મિ.મી. અને દેત્રોજમાં ૩ મિ.મી.વરસાદ નોંધાયો હતો.
મોડી રાત્રે વિજળીના ચમકારા થતા હતા. દિવસ દરમિયાન વાદળછાયું વાતાવરણ રહ્યું હતું. વિરમગામમાં સવારે અને સાંજે વરસાદી માહોલ સર્જાયો હતો જેમાં વરસાદી છાંટા પડયા હતા. ધંધૂકામાં સાજે ૪ થી ૬ માં વરસાદ પડયો હતો. જ્યારે દેત્રોજમાં સાંજે ૬ થી ૮ માં વરસાદ નોંધાયો હતો.
જિલ્લામાં ખેડૂતો હાલમાં વરસાદની રાહ જોઇ રહ્યા છે. ખરીફ વાવેતર અંતિમ તબક્કામાં ચાલી રહ્યું છે.
