અમદાવાદના વિકાસ માટે મુખ્યમંત્રીએ નવી સાત ટી.પી સ્કીમને મંજૂરી આપી

(પ્રતિનિધિ તરફથી) ગાંધીનગર, તા. 15 જૂન 2020, સોમવાર

મુખ્યમંત્રીએ અમદાવાદ મહાનગરમાં સુઆયોજીત વિકાસ ત્વરિત અને પારદર્શી ઢબે કરવાના અભિગમથી 7 જેટલી ટાઉન પ્લાનીંગ સ્કીમને મંજૂરી આપી છે. આજે અમદાવાદની વધુ છ ડ્રાફ્ટ ટી.પી તથા એક પ્રીલીમીનરી ટી.પી.મંજૂર કરવામાં આવી છે.

વિજય રૂપાણીએ હવે મંજૂર કરેલી ટી.પી. સ્કીમમાં અમદાવાદની છ ડ્રાફ્ટ ટી.પી. તથા એક પ્રીલીમીનરી ટી.પી.નો સમાવેશ થાય છે. આજે  મંજૂર કરેલી ટી.પી.માં કલાણાની ટી.પી.સ્કીમ નં.383, 140/અ, 140/બ, 141 અને 144 તથા સનાથલની ટી.પી.સ્કીમ નં.404 (બી) ના ડ્રાફ્ટને મંજૂરી તથા ટી.પી.સ્કીમ નં.36 (છારોડી)ની પ્રીલીમીનરી મંજૂરી આપી છે.  

અમદાવાદ-ઔડા વિસ્તારની છ ડ્રાફ્ટ સ્કીમ મંજૂર થતા ખાસ કરીને કલાણાના ગામતળ એક્સટેન્સન તથા ઔદ્યોગિકનો ઘણો મોટો વિસ્તાર તેમ જ સનાથલના શહેરથી થોડે દૂરના અંતરોના ગામોમાં વિકાસની વધુ તકો ઉપલબ્ધ થઇ છે તથા આશરે 600 હેકટર્સ જમીનના આયોજનને આખરી ઓપ મળ્યો છે. અમદાવાદ-ઔડા વિસ્તારની છ ડ્રાફ્ટ ટી.પી. સ્કીમથી સત્તામંડળને 215 જેટલા જાહેર હેતુની પ્લોટો સંપ્રાપ્ત થશે.

જાહેર હેતુ માટે  પ્રાપ્ત થનારા પ્લોટોમાં આથક અને સામાજીક રીતે નબળા વર્ગના લોકોના રહેઠાણ માટે આશરે 25.65 હેકટર્સ જમીન, બગીચા/ખુલ્લી-જગ્યા, રમત-ગમતના મેદાન વિગેરે માટે આશરે 22.00 હેકટર્સ જમીન તેમજ સામાજીક માળખા માટે આશરે 26.20 હેકટર્સ તથા આંતરમાળખાકીય સવલતોના ખર્ચને પહોંચી વળવા વેચાણ માટે લગભગ 68.00 હેકટર્સ જમીન ઉપલબ્ધ થશે.

કોરોના વાયરસ સંક્રમણને કારણે લોકડાઉનની સ્થિતિ સર્જાતા પૂર્વેના ત્રણ મહિનામાં જ મુખ્યમંત્રીશ્રીએ 11 ડ્રાફ્ટ ટી.પી., 11 પ્રીલીમીનરી ટી.પી., 3 ફાઇલન ટી.પી. એમ કુલ મળીને 25 ટી.પી. અને એક ફાયનલ ડી.પી. મંજૂર કરી હતી.

પ્રધાનમંત્રી નરેન્દ્ર મોદીએ આત્મનિર્ભર ભારતની નેમ સાકાર કરવા આપેલા પાંચ સ્થંભ અન્વયે અમદાવાદ મહાનગરમાં ઇન્ફ્રાસ્ટ્રકચર-માળખાકીય સુવિધા વૃદ્ધિ માટે વધુ 7 ટી.પી મંજૂર કરવામાં આવી છે. આ સાથ ેજ નગરો-શહેરોના ઇન્ફ્રાસ્ટ્રકચર-માળખાકીય વિકાસની નવી દિશા આપી છે. મુખ્યમંત્રીએ ર018 અને ર019માં 100-100થી વધુ ટી.પી મંજૂરી આપી હતી. 2020માં પહેલા ત્રણ જ માસમાં 25 સ્ક્રીમને પારદશતાથી મંજૂરી આપી હતી. 

મુખ્યમંત્રી વિજયભાઇ રૂપાણીએ પ્રવર્તમાન કોરોના કોવિડ-19ના સંક્રમણ સાથે અને સંક્રમણ સામે જીવન પૂર્વવત બનાવવા અને દેશને આત્મનિર્ભરતાના માર્ગે લઇ જવા અને આત્મનિર્ભર ભારતના આપેલા કોલને સાકાર કરવાની દિશામાં એક મહત્વપૂર્ણ કદમ ઉઠાવ્યું છે.

કોરોેના સંક્રમણ સામે-કોરોના સાથે સાવચેતીપૂર્વક જીવન જીવવાનો રવૈયો અપનાવી જનજીવન પૂર્વવત થાય અને માળખાકીય વિકાસકામો સહિતના કાર્યોમાં નવી ગતિ-નવી દિશા આવે તે માટે અનલોક-1 અંતર્ગત શરૂઆતમાં આઠ ટાઉન પ્લાનીંગ સ્કીમની પ્રથમ અઠવાડિયામાં મંજુરી બાદ બીજા અઠવાડિયામાં વધુ 7 ટાઉન પ્લાનીંગ સ્કીમને પરવાનગી આપી છે.ડ્રાફ્ટ સ્કીમના રસ્તાઓનું પણ ઝડપથી અમલીકરણ કરી ઇન્ફ્રાસ્ટ્રકચરના કામોને પ્રાધાન્ય આપવા પણ તેમણે તાકીદ કરી છે.