Expired Tea Leaves : મોટાભાગના દરેક ભારતીયોના ઘરમાં દિવસની સવાર ચાની ચુસ્કી સાથે થાય છે. સવારે ઉઠતાંની સાથે લોકો તાજગી માટે ચા પીતા હોય છે. જો કે, લોકોને ચા પીવાની પસંદગી અલગ- અલગ હોય છે. કેટલાક લોકો દિવસમાં 1-2 કપ ચા પીવે છે, તો કેટલાક લોકો 8-10 ચા પીવે છે. પરંતુ શું તમે ક્યારેય વિચાર્યુ છે કે, જેમ ખાવાની દરેક વસ્તુની એક્સપાયરી ડેટ હોય છે, તેમ ચા પત્તીની પણ એક્સપાયરી ડેટ હોય છે. કદાચ નહીં વિચાર્યું હોય. પરંતુ જો તમે પણ ટી- લવર્સ હોવ તો, આજે અમે તમને તેના વિશે જણાવીશું.
આ પણ વાંચો: પલાળેલી બદામ ખાવાના 5 ફાયદા: હૃદય, મગજ અને ત્વચામાં જોવા મળશે ચોંકાવનારા ફેરફાર
ચા પત્તીની પણ એક્સપાયરી ડેટ હોય છે કે નહી
હા, ચાય પત્તીની પણ એક્સપાયરી થઈ શકે છે. તેનું કારણ એ છે કે, ચાય પત્તીમાં કુદરતી રીતે તેલ અને એન્ટીઓક્સીડેન્ટ રહેલા હોય છે. ભેજ, હવા અને પ્રકાશના સંપર્કમાં આવતાં આ તેલ તૂટવા લાગે છે જેના કારણે ચા પત્તી ખરાબ થઈ જાય છે. પરંતુ સારી વાત એ છે કે, ચાની પત્તી એક્સપાયર થયા પછી ઝેરી કે હાનિકારક બનતી નથી; પરંતુ તેનો સ્વાદ, રંગ અને સુગંધ ઓછી થવા લાગે છે. જો કોઈ એક્સપાયર થયેલી ચા પીવે છે, તો તેને ખબર પડશે કે તેની ખુશબૂ અને ટેસ્ટ બદલાઈ જાય છે. એકસપાયર થયેલી ચા ક્યારેક ક્યારેક થોડી ઘાટીલી અથવા તીખી ગંધ આવવા લાગે છે.
કઈ ચા કેટલા સમય માટે સારી રહે છે
બ્લેક ટી 1 થી 2 વર્ષ સુધી અને ગ્રીન ટી 6 થી 12 મહિના સુધી સારી રહે છે, પરંતુ તેને સૂકી અને ઠંડી જગ્યાએ રાખવામાં આવે તો. તેથી, કોશિશ કરો કે, ચાને હંમેશા સુકી જગ્યાએ એર ટાઈટ ડબ્બામાં રાખો. ઉલોંગ/વ્હાઈટ ટી લગભગ 1 વર્ષ સુધી ચાલે છે, જ્યારે હર્બલ ટી, તુલસીની ચા અને કેમોમાઈલ ચા 6-12 મહિના સુધી ચાલે છે. ચાની પત્તીને એરટાઈટ ડબ્બામાં સૂર્યપ્રકાશ, ગરમી અને ભેજથી દૂર રાખવાથી સારી રહે છે.
