રાત્રે સારી ઊંઘ મેળવવા માટે આ બેઝિક નિયમો ફોલો કરવાનું ન ભૂલતાં..!

નવી દિલ્હી, તા. 02 ઓગષ્ટ 2020, રવિવાર 

ઉર્જાના સ્તરથી લઇને તમારી ઇમ્યૂનિટી, વજન, મનોદશા, રોગ પ્રતિકારક શક્તિ, ઉંમર વધવા સુધી બધુ જ તે વાત પર નિર્ભર કરે છે કે તમે કેટલી સારી ઊંઘ લો છો. તમારી ઊંઘમાં સુધારો કરવામાં ડાયેટ અથવા લાઇફસ્ટાઇલ ટિપ મદદ કરી શકે છે. સારી ઊંઘ લેવાથી સમગ્ર જીવનને હેલ્ધી રાખવામાં મદદ મળી શકે છે. સારી ઊંઘ લેવાથી ન માત્ર ઇમ્યૂનિટી વધે છે પરંતુ સમયથી પહેલા વૃદ્ધ થવાના લક્ષણોને દૂર કરવામાં પણ મદદ મળી શકે છે. 

સારી ઊંઘ માટે આ બાબતોનું ધ્યાન રાખો

1. સંતુલિત ભોજન : તમારા આહારમાં પ્રોટીન, ચરબી અને કાર્બ્સ સહિત તમામ ખાદ્ય સમૂહોનું એક ઉદાર મિશ્રણ હોવું જોઇએ. જો તમારા આહારમાં આ ખાદ્ય સમૂહોમાંથી એકમાં પણ ઉણપ છે તો તે તમારી ઊંઘની યોગ્યતાને અસર કરી શકે છે. 

2. હળવું ડિનર : જો તમે સારી ઊંઘ લેવા ઇચ્છો છો તો હળવું ભોજન કરવું તમને ફાયદો અપાવી શકે છે. ભોજન પચાવવા માટે શરીર ખૂબ જ મહેનત કરે છે, જો તમે રાત્રે ભોજનમાં ભારે ખોરાક ખાઓ છો તો તમે સારી ઊંઘ લઇ શકો છો, પરંતુ સવારે થાક અનુભવશો. 

3. દારૂ : જ્યારે તમે દારૂ પીઓ છો ત્યારે ઊંઘવાનું સરળ બની શકે છે જો કે, દારૂ તમારા ઊંઘવાની પેટર્નને બગાડી દે છે અને તમારા શરીરની ગાઢ નિન્દ્રામાં જવાની ક્ષમતાને ઘટાડે દે છે. ગાઢ નિન્દ્રા મેમરી ફંક્શન, રિકવરી અને ડિટૉક્સીફિકેશન માટે મહત્ત્વપૂર્ણ હોય છે. જો તમે ઊંઘવાની પેટર્નમાં સુધારો કરવા માંગો છો તો દારૂનું સેવન ઓછું કરો. 

4. સ્ક્રીન ટાઇમથી બચો : સ્માર્ટફોન, ટીવી અને લેપટોપમાંથી નિકળતી બ્લ્યૂ લાઇટ તમને વધુ સતર્ક અને જાગૃત કરી શકે છે અને મેલાટોનિનના ઉત્પાદનને ઘટાડી શકે છે. આ ડાયરેક્ટ તમારી ઊંઘની ગુણવત્તાને અસર કરે છે. ઊંઘવા માટે ઊંઘતા પહેલા ઓછામાં ઓછા બે કલાક માટે સ્ક્રીનથી દૂર રહો અને રાત્રે પૂરતી ઊંઘ લો. 

5. કૈફીન : કૈફીન અસ્થાયી રીતે તમને સતર્ક અને સક્રિય બનાવી શકે છે. આ તમારા મસ્તિષ્કને શાંત કરવા અને તમને ઊંઘવામાં મદદ કરવાની ક્ષમતાને ઘટાડે છે. એક દિવસમાં પીવાતી ચા અને કોફીની સંખ્યા ઓછી કરો. કેફીનનો છેલ્લો કપ આદર્શ રીતે તમારા ઊંઘવાના ચારથી છ કલાક પહેલા પીધો હોવો જોઇએ. ચા અને કોફી ઉપરાંત, કેફીન વાયુયુક્ત પીણા, એનર્જી ડ્રીન્ક અને ખાવાનો સોડામાં પણ હોય છે. 

6. વ્યાયામ : રાત્રે થાક અનુભવવા અને ગાઢ નિંદ્રા લેવા માટે તમારે આરક્ષિત કેલરી બર્ન કરવાની જરૂર છે. જેટલી વધુ ઊર્જા તમે વ્યાયામ કરવામાં અને કસરત કરવામાં ખર્ચ કરો છો તેટલો જ ઓછો સમય અને ઊર્જા તમે ઊંઘવા માટે ખર્ચ કરશો. અભ્યાસમાં જાણકા મળ્યું છે કે નિયમિત વ્યાયામ તમને જલ્દી ઊંઘવામાં મદદ કરી શકે છે અને ઊંઘમાં કાયાકલ્પની યોગ્ય ગુણવત્તાની સુવિધા પણ આપે છે. 

7. ટ્રિપ્ટોફેન : ટ્રિપ્ટોફેન એક એમિનો-એસિડ છે જે પ્રોટીન યુક્ત ખાદ્ય પદાર્થોમાં હોય છે. દાળ, કઠોળ, ચિકન, માછલી અને ઈંડાં તમને સારા પ્રમાણમાં ટ્રિપ્ટોફૈન પ્રદાન કરી શકે છે. ટ્રિપ્ટોફૈન સેરોટોનિનના ઉત્પાદનમાં મદદ કરે છે, જે ત્યારે મેલાટોનિનમાં ઢંકાઇ જાય છે. મેલાટોનિન ઊંઘની સારી ગુણવત્તાને પ્રેરિત કરવામાં મદદ કરે છે. આ ઉપરાંત, પોતાના આહારમાં સારી ગુણવત્તાવાળા કાર્બ્સનું સેવન કરો. 

આ ટિપ્સ તમને ઊંઘની ગુણવત્તા વધારવામાં મદદ કરી શકે છે, જે તમારી ઊર્જાના સ્તર, વજન ઘટાડવા અને સમગ્ર ફિટનેસમાં સુધારો કરી શકે છે.