mobile_app
For Real Time Updates and Better ExperienceDownload the app Now!
Download the app Now!app_store_icongoogle_play_icon

શું માછલીના તેલનો ઉપયોગ લિપસ્ટિક બનાવવા માટે થાય છે? જાણી લો શેનાથી બને છે લિપસ્ટિક

Updated: May 28th, 2024

શું માછલીના તેલનો ઉપયોગ લિપસ્ટિક બનાવવા માટે થાય છે? જાણી લો શેનાથી બને છે લિપસ્ટિક 1 - image

Image:Freepik

લિપસ્ટિક… સામાન્યથી લઈને ખાસ દરેક સ્ત્રી તેનો ઉપયોગ કરે છે. જો કોઈને મેકઅપનો શોખ ન હોય તો પણ તે લિપસ્ટિક લગાવવાનું પસંદ કરે છે. લિપસ્ટિક મેક અપમાં મહત્વનો ભાગ ભજવે છે. તમે ગમે તેટલો સારો મેક અપ કરો, પરંતુ લિપસ્ટિક ના કરો તો ફેસ સારો લાગતો નથી. માર્કેટમાં મોંઘી બ્રાન્ડથી લઇને સસ્તી લિપસ્ટિક પણ મળે છે પરંતુ બહુ ઓછા લોકો જાણે છે કે કઈ પ્રોડક્ટમાંથી લિપસ્ટિક બને છે? શું તેમાં માછલીનું તેલ વપરાય છે? 

શું માછલીના તેલનો ઉપયોગ લિપસ્ટિક બનાવવા માટે થાય છે?

એ વાત સાચી છે કે ક્યારેક લિપસ્ટિકમાં માછલીના તેલનો પણ ઉપયોગ થાય છે. વાસ્તવમાં, લિપસ્ટિક બનાવવામાં શાર્ક લિવર ઓઇલ (સ્ક્વેલીન) અને ફિશ સ્કેલ (ગુઆનિન)નો સમાવેશ થાય છે, જેનો ઉપયોગ નમી અને ચમક વધારવા માટે થાય છે. 

આ સિવાય લિપસ્ટિકમાં વેક્સ, પિગમેન્ટ, ફ્રેગરન્સ, ગ્લોસ જેવી વસ્તુઓનો પણ ઉપયોગ થાય છે. આ સિવાય કંપની લિપસ્ટિકમાં બીજી પણ ઘણી વસ્તુઓનો ઉપયોગ કરે છે, પરંતુ તેની માહિતી સાર્વજનિક કરવામાં આવતી નથી, હવે તમારા મનમાં આ સવાલ આવી રહ્યો હશે કે લિપસ્ટિક બનાવવાની પ્રક્રિયા શું હશે? તો ચાલો આ પણ જાણીએ કે લિપસ્ટિક કેવી રીતે બને છે.

લિપસ્ટિક કેવી રીતે બને છે?

લિપસ્ટિક બનાવવા માટે સૌથી પહેલા પિગમેન્ટ ફિક્સ કરવાનું કામ કરવામાં આવે છે. આ એક પ્રકારનો રંગ છે અને તેને મિક્સ કરીને વિવિધ પ્રકારના રંગો અને શેડ્સ બનાવવામાં આવે છે. તે પછી તેને તેલ સાથે મિક્સ કરવામાં આવે છે અને આ મિશ્રણમાં તેલ અને પિંગમેંટ 2:1 ના પ્રમાણમાં હોય છે.

આ પછી, મોલ્ડિંગની પ્રક્રિયા થાય છે, જે ચોક્કસ તાપમાને તૈયાર થાય છે અને પછી તે ઝડપથી ઠંડુ થાય છે. આ પ્રક્રિયામાં, આ મિશ્રણમાં ક્યાંય હવા ન આવે તેનું ધ્યાન રાખવું ખૂબ જ જરૂરી છે. ઠંડુ થયા પછી, પ્રોડક્ટને મોલ્ડમાંથી બહાર કાઢવામાં આવે છે અને લાકડીઓ બનાવવામાં આવે છે, પછી કેટલાક અંતિમ કાર્ય કર્યા પછી, તેને વેચાણ માટે બજારમાં મોકલવામાં આવે છે.

પ્રાણીઓનો પણ ઉપયોગ થાય છે

લિપસ્ટિક બનાવવા માટે પ્રાચીન સમયથી પ્રાણીઓ અને જંતુઓના શરીરના વિવિધ ભાગોનો ઉપયોગ કરવામાં આવે છે. જો કે, છેલ્લા કેટલાક સમયથી, ખાદ્ય પદાર્થો અને કોસ્મેટિક ઉત્પાદનોમાં પણ વેગનિઝમ પર ભાર મૂકવામાં આવ્યો છે. હવે કેટલીક બ્રાન્ડ્સે લોકોની માંગ પ્રમાણે વેગન કોસ્મેટિક્સ પણ બનાવવાનું શરૂ કર્યું છે, પરંતુ હજુ પણ ઘણા મેકઅપ ઉત્પાદનોમાં પ્રાણીઓની ચામડી અને શરીરના અન્ય ભાગોનો ઉપયોગ કરવામાં આવે છે.

Gujarat