સવારે ઊઠતાં જ આ પાંચ બ્રીધિંગ એક્સરસાઈઝ કરો, આખો દિવસ સ્ફૂર્તિવાન રહેશો

Image: Freepik

Breathing Exercises in Morning: સવારની શરૂઆત જો સારી રીતે થાય તો આખો દિવસ ખૂબ સારી રીતે પસાર થાય છે. સવારના સમયે તમે પણ પોતાના દિવસની શરૂઆત બ્રીધિંગ એક્સરસાઈઝની સાથે કરી શકો છો. દિવસની શરૂઆત આનાથી કરવાથી તમે સ્ટ્રેસથી તો દૂર રહેશો જ સાથે જ તમારી બોડીમાં આખો દિવસ એનર્જી જળવાઈ રહેશે.

આ 5 બ્રીધિંગ એક્સરસાઈઝથી કરો પોતાના દિવસની શરૂઆત

અનુલોમ-વિલોમ પ્રાણાયામ

સવારે ઉઠ્યા બાદ તમે અનુલોમ-વિલોમ પ્રાણાયામ કરી શકો છો. આ એક્સરસાઈઝને કરવાથી તમારું ફેફસુ મજબૂત થાય છે સાથે જ તમારા શરીરમાં ઓક્સિજનનું સ્તર પણ વધે છે. આ એક્સરસાઈઝને કરવા માટે તમે સૌથી પહેલા સુખાસનમાં આરામથી બેસી જાવ હવે પોતાના અંગૂઠાથી જમણા નાકને બંધ કરો અને ડાબા નાકથી ઊંડા શ્વાસ લો. હવે ડાબા નાકને બંધ કરો અને જમણા નાકથી શ્વાસ છોડો. આ રીતે તમે પાંચથી સાત મિનિટ આને કરો.

કપાલભાતિ

કપાલભાતિ પણ ખૂબ ઈફેક્ટિવ પ્રાણાયામ છે, જે પેટ અને ફેફસાને ડિટોક્સ કરે છે. આને કરવાથી મેટાબોલિઝમ પણ સારું થાય છે, જેનાથી વજન પણ ઘટે છે. તેને કરવા માટે તમે આરામથી બેસી જાવ અને પોતાના પેટને અંદર કરીને ઝડપથી શ્વાસને છોડો. આ એક્સરસાઈઝને તમે 10થી 15 મિનિટ સુધી કરી શકો છો.

આ પણ વાંચો: બાળકને હેલ્ધી રાખવું હોય તો બસ આટલું કરો, સ્થૂળતા નજીક પણ નહીં આવે!

ભ્રામરી પ્રાણાયામ

મનને શાંત કરવા માટે ભ્રામરી પ્રાણાયામ ખૂબ શ્રેષ્ઠ હોય છે. આ એક્સરસાઈઝને કરવાથી તણાવ અને ડિપ્રેશન પણ દૂર રહે છે. આને કરવા માટે પોતાની આંખો બંધ કરો અને ઊંડા શ્વાસ લો. હવે શ્વાસને છોડતી વખતે હમ્મમનો અવાજ કાઢો. આ રીતે તમને મધમાખીના ગૂંજવાની જેમ અવાજ સંભળાશે. તમે આને પાંચથી સાત મિનિટ સુધી કરી શકો છો.

ઉજ્જાયી પ્રાણાયામ

ઉજ્જાયી પ્રાણાયામ કરવાથી આખો દિવસ તમે ફ્રેશ અને એનર્જેટિક અનુભવશો. આને કરવા માટે તમે ઊંડા શ્વાસ લો અને ગળામાં સામાન્ય ખારાશની જેમ અવાજ કાઢો અને ધીમે-ધીમે શ્વાસ છોડો. તમે આમાં ચાર સેકન્ડ માટે શ્વાસ લો અને આને ચાર સેકન્ડ માટે હોલ્ડ કરો પછી આને 6 સેકન્ડમાં ધીમે-ધીમે છોડો. તમે આને 10 વખત સુધી કરી શકો છો.

ભસ્ત્રિકા પ્રાણાયામ

ભસ્ત્રિકા પ્રાણાયામ આખા શરીરને ફિટ અને એનર્જેટિક રાખવા માટે ખૂબ સારી એક્સરસાઈઝ છે. આને કરવા માટે તમે આરામથી બેસી જાવ. હવે ઊંડા શ્વાસ લેતાં બંને હાથને ઉપરથી તરફ લઈ જાવ પછી શ્વાસને છોડતી વખતે બંને હાથને નીચે તરફ લાવો. તમે આને એક વખતમાં 15 સેટ કરી શકો છો.