૮૦ વર્ષના વરિષ્ઠ નાગરિકો માટેની સુવિધાના શ્રીગણેશ

રાપર બેઠક હેઠળ આવતા વિવિધ ગામોના ૧૩૩ મતદારોએ ઘરેથી બેલેટ પેપર દ્વારા મતદાન કર્યુ

મતદાર યાદીમાં નોંધાયેલા તમામ મતદારો પોતાના મતાધિકારનો ઉપયોગ કરે તે માટે ચૂંટણીપંચ સક્રિય બન્યું છે. સિનિયર  સિટીઝનો તેમાં પણ ખાસ કરીને ૮૦ વર્ષથી વધુની ઉંમરના મતદારો મતદાન કરે તે માટે તૈયારીઓ શરૃ કરી દેવામાં આવી છે. કચ્છ જિલ્લાની ૬ વિધાનસભા બેઠક પર નોંધાયેલા ૮૦ વર્ષથી વધુની ઉંમરના ૩૩૨૯૩  મતદારો મતદાન કરે તે માટે તેમને શુભેચ્છા પત્ર લખવામાં આવ્યા હતા. વયોવૃધ્ધ ઉપરાંત ૧૩૭૨૯ દિવ્યાંગ મતદારો પણ પોતાના મતાધિકારનો ઉપયોગ કરશે. ત્યારે રાપર બેઠક હેઠળ આવતા વયોવૃધ્ધ અને દિવ્યાંગ મતદારોએ ઘરેથી આજે મતદાન કર્યુ હતુ. આ

રાપર વિધાનસભા મતદાર મંડળના ચુંટણી અધિકારી બાલમુકુંદ સુર્ય વંશી અને ભચાઉ મામલતદાર જે. એચ પાણ તથા મદદનીશ ચૂંટણી અધિકારી અને રાપર મામલતદાર કે. આર ચૌધરી ના માર્ગદર્શન હેઠળ ૩૨ ઝોનલ ઓફિસર ના વડપણ હેઠળ રાપર વિધાનસભા બેઠક મા જુદા જુદા ગામોમાં આવતા ૧૩૩ મતદારો ને બેલેટ પેપર દ્વારા મતદાન કરાવવા માટે જે જગ્યાએ દિવ્યાંગનાઓ અને વિકલાંગો અને મોટી ઉમર ના મતદારો એ બેલેટ પેપર દ્વારા મતદાન કર્યું હતું. આજે જુદા જુદા રુટ પર ઝોનલ અધિકારીઓ એ મતદારો ને બેલેટ પેપર મતદાન બુથ દ્વારા મતદાન કરાવ્યું હતુ.