સવારે 9 વાગ્યાથી બપોર સુધી સંક્રમિત મહિલા રખડતી રહેતા વીડિયો ક્લિપ સોશિયલ મીડિયામાં વાઈરલ

બાલાસિનોર, તા.24 જુલાઈ 2020, શુક્રવાર

કોરોનાની મહામારી વચ્ચે બાલાસિનોર સીએચીની બેદરકાર સામે આવી છે. કોરોનાના દર્દીને વાહન લેવા આવશે એવી જાણ કર્યા પછી ય કોઈ ન આવતા બપોર સુધી દર્દી સીએચસી પાસે ફરતો રહ્યો હોવાનો વીડિયો પણ વાઈરલ થયો હતો.

દૂધીબેન ધુળાભાઈ મકવાણા નામની મહિલાને કોરોના હોવાની જાણ કર્યા પછી ય ગાડી લેવા ન આવતા દર્દીને ખુલ્લામાં રહેવું પડતાં બીજાને સંક્રમણની શક્યતાઓ વધી ગઈ હતી છતાં સવારે ૯ વાગ્યે જાણ કરવામાં આવી તે પછી બપોર સુધી આ દર્દીને લેવા કોઈ વાહન આવ્યું નહોતું.

કોરોનાની ગંભીર મહામારી વચ્ચે પણ બાલાસિનોર પીએચસીના સ્ટાફની ફરજ પ્રત્યેની ગંભીર બેદરકારીની વીડિયો ક્લિપ સોશિયલ મીડિયામાં ફરતી થતા લોકોમાં ખાસ્સી ચર્ચાઓ જાગી હતી.