જૂનાગઢ બેઠક પર ભાજપને 1.06 લાખ વધુ અને કોંગ્રેસને 1.58 લાખ ઓછા મત મળ્યા

જૂનાગઢ,તા. 24 મે 2019, શુક્રવાર

જૂનાગઢ લોકસભા - બેઠક પર ૨૦૧૭ની વિધાનસભા ચુંટણીની સરખામણીએ ભાજપને ૧.૦૬ લાખ મત વધુ મળ્યા છે. જયારે કોંગ્રેસને ૧.૫૮ લાખ મત ઓછા, મળ્યા છે. આમ ૨૦૧૭ ની વિધાનસભા અને ૨૦૧૯ લોકસભા ચૂંટણીમાં જૂનાગઢ બેઠક પર ૨.૬૫ લાખ જેટલા મતનું ધુ્રવી કરણ થયું છે. ૨૦૧૭ની ચૂંટણીમાં તમામ સાતેય વિધાનસભામાં કોંગ્રેસને સરસાઈ મળી હતી. જયારે લોકસભામાં માત્ર કોડીનારમાંથી જ કોંગ્રેસને ૧૬૩૦ મતની સરસાઈ મળી છે.

જૂનાગઢ જિલ્લામાં ૨૦૧૭ની વિધાનસભાની ચૂંટણી થઈ હતી. તેના પરિણામ આવતા કોંગ્રેસનો તમામ સાતેય બેઠક પર વિજય થયો હતો. અને સાતેય વિધાનસભા વિસ્તારમાંથી કોંગ્રેસને કુલ ૧૧૪૭૪૨ મતની સરસાઈ મળી હતી. આ ચૂંટણી પરિણામોના આધારે જૂનાગઢ જિલ્લામાં કોંગ્રેસ મજબુત થયાનું જાણકારો માની રહ્યાં હતાં. 

અને તે પરિણામોની સરખામણી કરી જૂનાગઢ બેઠક પર ભાજપની સરખામણી કરી જૂનાગઢ બેઠક પર ભાજપની જીત કઠીન હોવાનો દાવો કરી રહ્યાં હતાં. કોંગ્રેસ પર ૨૦૧૭ ની ચૂંટણીના પોતાને સાતેય વિધાનસભા બેઠક પર મળેલી જીતના કારણે જૂનાગઢ લોકસભા બેઠક પર જીત થશે તેવું આગેવાનો માનતા હતાં. પરંતુ ગઈકાલે મતગણતરી થતા આ તમામ દાવાઓ ખોટા પડયા હતાં. અને મતદારોએ પોતાના અલગ જ મિજાજ બતાવ્યો હતો.

૨૦૧૭ની વિધાનસભા ચૂંટણીમાં કોંગ્રેસને ભાજપ કરતા ૧,૧૪૭૪૨ મત વધુ મળ્યા હતાં. જયારે ૨૦૧૯ની લોકસભા ચૂંટણીમાં ભાજપને ૧.૦૬ લાખ વધુ મત મળ્યા હતાં. તથા કોગ્રેસને વિધાનસભા કરતા લોકસભામાં ૧.૫૮ લાખ મત ઓછા મળ્યા હતાં. આમ જૂનાગઢ જિલ્લામાં આવેલી સાત વિધાનસભા બેઠક પર ૨૦૧૭ અને ૨૦૧૯ લોકસભા ચૂંટણીમાં કુલ૨.૬૫ અને ૨૦૧૯ લોકસભા ચૂંટણીમાં કુલ ૨.૬૫ લાખ જેટલા મતનું ધુ્રવી કરણ થયું છે.

અને તેનો લાભ ભાજપને મળ્યો છે. અને કોંગ્રેસની તમામ ગણતરીને મતદારોએ ઉંધીા વાળી દીધી છે. આટલા મતની સરસાઈ મળશે તેવી તોભાજપને પણ આશા ન હતી. પરંતુ વડાપ્રધાન મોદીના નામે મતદારોએ ભાજપને મત આપ્યા હોવાનું ભાજપનાં આગેવાનો જણાવી રહ્યાં છે.

૨૦૧૭ વિધાનસભા ચૂંટણીમાં ભાજપ - કોંગ્રેસને મળેલા મત અને લીડ

૨૦૧૯ની ચૂંટણીમાં ભાજપ કોંગ્રેસને મળેલા મત તથા લીડ